ەلىمىزدەگى كارانتيندىك جاعدايعا بايلانىستى بارلىق ءبىلىم وشاقتارى قاشىقتان وقىتۋ جۇيەسىنە كوشكەنى ءمالىم. وسى رەتتە رەسپۋبليكالىق «ۇستاز تىلەگى» عىلىمي-ادىستەمەلىك ورتالىعى 50 مىڭنان اسا ۇستازعا كومەك قولىن سوزىپ، ونلاين جۇيەسىمەن تەگىن وقىتتى. ءىستىڭ باسى-قاسىندا جۇرگەن ورتالىقتىڭ ديرەكتورى نارتاي سەمبيەۆپەن اتقارىلعان جۇمىستار تۋرالى از-كەم سۇحباتتاسقان ەدىك.
-قاشىقتان وقىتۋعا بايلانىستى، ۇستازداردى تەگىن وقىتۋ تۋرالى يدەيا قالاي كەلدى؟
-ەلىمىزدە جاريالانعان توتەنشە جاعدايلارعا بايلانىستى بارلىق ءبىلىم بەرۋ ۇيىمدارى قاشىقتان وقىتۋ جۇيەسىنە كوشتى. بىراق ەلىمىزدەگى ۇستازدار قاشىقتان وقىتۋ جۇيەسىن ءالى تولىق مەڭگەرمەگەن. “ۇستاز تىلەگى” سايتىندا مۇعالىمدەر قاشىقتىقتان وقىتۋعا بايلانىستى جاڭا ءبىلىمدى يگەرگىسى كەلەتىنى تۋرالى جازا باستادى. ءبىز نارىقتى زەرتتەپ، ۇستازدارعا پايدالى تەحنولوگيالاردى سارالاپ، كۋرس جاسادىق. كۋرستى اياقتاعان ۇستازدار سەرتيفيكاتقا يە بولىپ، قاشىقتىقتان وقىتۋدىڭ بارلىق جولدارىن مەڭگەرىپ شىقتى. كۋرس ەرەكشەلىگى - تەوريالىق ءبىلىم عانا بەرىلىپ قويماي، جاڭا تەحنولوگيالاردى پراكتيكا جۇزىندە قولدانۋدى ۇيرەتەدى.تەحنولوگيالاردى مەڭگەرۋ ۇستازدارعا ءتيىمدى بولۋ ءۇشىن، كۋرستى تەگىن جاسادىق. بۇل ەلىمىزگە دەگەن، ۇستازدارعا دەگەن ورتالىقتىڭ اتىنان جاسالعان ۇلكەن كومەك.
-ورتالىقتىڭ جۇمىسى تۋرالى ايتا كەتسەڭىز. قالاي قۇرىلدى؟
-جالپى باسىندا مەن پروگراممالاۋ بويىنشا ءارتۇرلى سايتتاردى جاساپ ءجۇردىم.سول كەزدە نارىقتى زەرتتەي كەلە، ۇستازدارعا، وقۋشىلارعا كومەك كورسەتەتىن سايتتاردىڭ جوق ەكەنىن بىلدىك. وتە از نەمەسە ساپاسىز. سوندىقتان ەلىمىزدەگى ۇستازدارعا كومەكتەسۋ ءۇشىن جاس تا بولساق، ۇستازداردىڭ ءبىلىم الۋى ءۇشىن وسىنداي ورتالىق اشۋ ويىمىزعا كەلدى. قازىر “ۇستاز تىلەگى” سايتىن ۇلكەن پورتال قىلىپ، رەسپۋبليكالىق پلاتفورما رەتىندە اشىپ جاتىرمىز. ەگەر ءبىز ءبىر ۇستازعا ساپالى ءبىلىم بەرسەك، جۇزدەگەن وقۋشىعا ساپالى ءبىلىم بەرگەنمەن تەڭ دەپ ويلايمىن. ءبىر ۇستاز مىڭداعان وقۋشىنى وقىتىپ شىعارا الادى. ۇستازدارعا بارىنشا جاقسى ءبىلىم بەرىپ، بىلىكتىلىگىن كوتەرسەك، ەلىمىزدىڭ وركەندەۋىنە زور ۇلەس قوسىپ جاتىرمىز دەپ ەسەپتەيمىن.
-الدا قانداي جوسپارلار بار؟
-الداعى ماقساتىمىز – “ۇستاز تىلەگى” برەندىن قالىپتاستىرىپ، ۇستازدارعا ۇلكەن پلاتفورما اشۋ. پلاتفورمادا بارلىق پاندەردەن كۋرستار بولادى. مۇعالىمدەر وزدەرىنىڭ بىلىكتىلىگىن ارتتىرۋ كۋرستارىنا قاتىسا الادى. قازىر مۇعالىم ماماندىعىن تاڭداعان ستۋدەنتتەر مەكتەپتە بارىپ بىردەن جۇمىس ىستەپ كەتە المايدى. ونىڭ باستى سەبەبى: ۋنيۆەرسيتەتتەردە ەسكى تەحنولوگيالاردى قولدانادى. سولاردىڭ بارلىعىنا ساپالى ءبىلىم بەرىپ، زاماناۋي ءبىلىم الۋ ءۇشىن كۋرستار اشامىز. جانە ءاربىر مۇعالىم “ۇستاز تىلەگى” سايتىنا تىركەلىپ بارلىق قىزمەتتەردى قولدانا الادى. ونىڭ ىشىندە ءوزىنىڭ پورفوليوسىن تولتىرۋ، كۋرستارعا قاتىسۋ، جارىستارعا قاتىسۋ، رەسپۋبليكالىق، حالىقارالىق دەڭگەيدەگى ءارتۇرلى جارىستارعا قاتىسۋ، جانە شەتەلدەگى كومپانيالارمەن بىرىگىپ، ءبىزدىڭ ۇستازدار شەتەلدە ءبىلىم الىپ، تاجىريبە بولىسەتىن ۇلكەن ورتالىق رەتىندە دامىتۋدى كوزدەپ وتىرمىز.
“ۇستاز تىلەگى” برەندىن الەمدىك دەڭگەيگە كوتەرىپ، ءبىلىم بەرۋدە جاڭالىقتار ەنگىزىپ، وزگە ەلدەردەگىدەي جاعداي جاساۋ. مىسالى، جاپونيا ەلىندە قادىرلى ماماندىق ۇستاز بولسا، ءبىزدىڭ ەلىمىزدە دە ۇستازداردى سونداي دەڭگەيگە جەتكىزگىمىز كەلەدى.
اڭگىمەلەسكەن اسەم مەرەكەقىزى،
«ادىرنا» ۇلتتىق پورتالى
