ورتا سالماقتا WBA Super, WBC Franchise بەلبەۋىنىڭ، ەكىنشى ورتا سالماقتا Regular بەلبەۋىنىڭ يەگەرى مەكسيكالىق ساۋل "كانەلو" الۆارەس ورتا سالماقتا IBF جانە IBO بەلبەۋلەرىنىڭ يەگەرى قازاقستاندىق گەننادي گولوۆكينمەن ءۇشىنشى كەزدەسۋگە قاتىستى پىكىر ءبىلدىردى، - دەپ حابارلايدى "ادىرنا" ءتىلشىسى Vesti.kz - كە سىلتەمە جاساپ.
ەسكە سالايىق، ەكى بوكسشى وسىعان دەيىن 2017 جانە 2018 جىلدارى لاس-ۆەگاستاعى T-Mobile Arena سپورت كەشەنىندە ەكى رەت كەزدەسكەن بولاتىن. ءبىرىنشى كەزدەسۋدە تەڭ ناتيجە تىركەلسە، ەكىنشى كەزدەسۋدە تورەشىلەر جەڭىستى "كانەلوعا" بەردى. بۇل قازاقستاندىق بوكسشىنىڭ كاسىپقوي بوكستاعى ءبىرىنشى جەڭىلىسى ەدى. ەندى ولاردىڭ ءۇشىنشى كەزدەسۋى 2021 جىلدىڭ مامىرىندا وتەدى دەگەن سىبىس بار.
"گولوۆكينمەن كەزدەسۋ مەن ءۇشىن قىزىق ەمەس. مەن ونى ەكى رەت جەڭدىم. بىراق ەگەر بۇل بيزنەس جاعىنان بىزگە كەرەك بولسا، ونىمەن ءۇشىنشى رەت كەزدەسۋدە كەلىسىمىمدى بەرەمىن", - دەپ كەلتىرەدى مەكسيكالىقتىڭ ءسوزىن Infobae.com باسىلىمى.
"ادىرنا" ۇلتتىق پورتالى
