Orta salmaqta WBA Super, WBC Franchise belbeuınıŋ, ekınşı orta salmaqta Regular belbeuınıŋ iegerı meksikalyq Saul "Kanelo" Alvares orta salmaqta IBF jäne IBO belbeulerınıŋ iegerı qazaqstandyq Gennadii Golovkinmen üşınşı kezdesuge qatysty pıkır bıldırdı, - dep habarlaidy "Adyrna" tılşısı Vesti.kz - ke sılteme jasap.
Eske salaiyq, ekı boksşy osyǧan deiın 2017 jäne 2018 jyldary Las-Vegastaǧy T-Mobile Arena sport keşenınde ekı ret kezdesken bolatyn. Bırınşı kezdesude teŋ nätije tırkelse, ekınşı kezdesude töreşıler jeŋıstı "Kaneloǧa" berdı. Būl qazaqstandyq boksşynyŋ käsıpqoi bokstaǧy bırınşı jeŋılısı edı. Endı olardyŋ üşınşı kezdesuı 2021 jyldyŋ mamyrynda ötedı degen sybys bar.
"Golovkinmen kezdesu men üşın qyzyq emes. Men ony ekı ret jeŋdım. Bıraq eger būl biznes jaǧynan bızge kerek bolsa, onymen üşınşı ret kezdesude kelısımımdı beremın", - dep keltıredı meksikalyqtyŋ sözın Infobae.com basylymy."Adyrna" ūlttyq portaly
