تاراز پوليتسەيلەرى ازاماتتىق قارۋ يەلەرىن تەكسەرۋدە، دەپ حابارلايدى "ادىرنا" ۇلتتىق پورتالى قازاقپارات-قا سىلتەمە جاساپ.
تاراز قالالىق پوليتسيا باسقارماسىنىڭ ليتسەنزيالىق رۇقسات بەرۋ جۇيەسى قىزمەتكەرلەرىنىڭ جۇرگىزگەن جۇمىسىنىڭ ناتيجەسىندە بيىلعى جىل باسىنان بەرى بۇگىنگى كۇنگە دەيىن ەسەپتە تۇرعان 4002 ازاماتتىق قارۋ يەلەرىنىڭ بار بولعانى 2927-ءسى عانا تەكسەرۋدەن وتكەن. «133 قارۋ يەسى قر اقبتك-ءنىڭ 484-بابى (ازاماتتىق، قىزمەتتىك قارۋ مەن ونىڭ پاتروندارىن ساتىپ الۋ، ساقتاۋ، پايدالانۋ نەمەسە تاسىمالداۋ ەرەجەلەرىن بۇزۋ), قر اقبتك-ءنىڭ 486-بابى (قارۋدى تىركەۋ ءتارتىبىن بۇزۋ) بويىنشا اكىمشىلىك جاۋاپكەرشىلىككە تارتىلدى. جوعارىدا ايتىلعاندارعا بايلانىستى، تاراز قالالىق پوليتسيا باسقارماسى قارۋ يەلەرىنەن قازاقستان رەسپۋبليكاسىنىڭ زاڭناماسىندا كوزدەلگەن بارلىق باقىلاۋ جانە قاۋىپسىزدىك شارالارىن ساقتاۋدى سۇرايدى»، - دەلىنگەن جامبىل وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.
دەپارتامەنت قارۋ يەلەرىن اكىمشىلىك جاۋاپكەرشىلىك تۋرالى ەسكەرتتى.
