Tarazda 130-dan astam qaru iesı äkımşılık jauapkerşılıkke tartyldy

Taraz poliseilerı azamattyq qaru ielerın tekserude, dep habarlaidy "Adyrna" ūlttyq portaly QazAqparat-qa sılteme jasap. Taraz qalalyq polisiia basqarmasynyŋ lisenziialyq rūqsat beru jüiesı qyzmetkerlerınıŋ jürgızgen jūmysynyŋ nätijesınde biylǧy jyl basynan berı bügıngı künge deiın esepte tūrǧan 4002 azamattyq qaru ielerınıŋ bar bolǧany 2927-sı ǧana tekseruden ötken. «133 qaru iesı QR ÄQBtK-nıŋ 484-baby (azamattyq, qyzmettık qaru men onyŋ patrondaryn satyp alu, saqtau, paidalanu nemese tasymaldau erejelerın būzu), QR ÄQBtK-nıŋ 486-baby (qarudy tırkeu tärtıbın būzu) boiynşa äkımşılık jauapkerşılıkke tartyldy. Joǧaryda aitylǧandarǧa bailanysty, Taraz qalalyq polisiia basqarmasy qaru ielerınen Qazaqstan Respublikasynyŋ zaŋnamasynda közdelgen barlyq baqylau jäne qauıpsızdık şaralaryn saqtaudy sūraidy», - delıngen Jambyl oblystyq polisiia departamentınıŋ baspasöz qyzmetı taratqan habarlamada. Departament qaru ielerın äkımşılık jauapkerşılık turaly eskerttı.