شىمكەنت قالاسىندا ەرەكشە ماڭىزدى دەپ تانىلاتىن ءبىلىم سالاسى تولىعىمەن اۆتوماتتاندىرىلعان. بالاباقشاعا كەزەككە قويۋدان باستاپ تەحنيكالىق جانە كاسىپتىك ءبىلىم بەرۋ سالاسىنا دەيىنگى قىزمەت كورسەتۋ تۇرلەرى ەلەكتروندى جۇيەگە كوشكەن.
سولاردىڭ ءبىرى - قوسىمشا ءبىلىم بەرۋ ۇيىمدارىندا ەنگىزىلگەن «ميندال قوسىمشا ءبىلىم بەرۋ» پلاتفورماسى ءوز تيىمدىلىگىن كورسەتىپ وتىر.
بۇل جونىندە بۇگىن شىمكەنت قالاسىنىڭ اكىمى مۇرات ايتەنوۆ "شىمكەنت - ادالدىق الاڭى" جوباسى ANTIKOR LIVE تىكەلەي ەفيرىندە ايتتى.
««ميندال قوسىمشا ءبىلىم بەرۋ» پلاتفورماسى ارقىلى اتا-انالار بالالارىن ءان-بي، كوركەم-سۋرەت سەكىلدى ءتۇرلى قوسىمشا ۇيىرمەلەرگە جازۋ ءۇشىن ءوتىنىم بەرە الادى. وسىعان دەيىن بۇل قىزمەت 5 جۇمىس كۇنىنىڭ ىشىندە قارالىپ كەلگەن. ال قازىر 30 مينۋتتىڭ كولەمىندە ۇيىرمەگە قابىلدانۋعا مۇمكىندىگى بار»، - دەدى مۇرات ايتەنوۆ.
ايتا كەتەيىك، اتالعان پلاتفورما ارقىلى بىلتىر 142 ءوتىنىم بەرىلگەن، بيىل 633 ءوتىنىش كەلىپ تۇسكەن.
شىمكەنت قالاسى اكىمىنىڭ ءباسپاسوز قىزمەتى
