ول شىر ەتىپ دۇنيە ەسىگىن اشىپ جاتقان كەزىندە، جازمىش سولاي بوپ، بەت-ءجۇزىنىڭ جۇيكەسىنە زاقىم كەلگەن. قاس-قاباعى، ەرىنى، ءتىلى ءومىر بويى سول زاقىمنىڭ زاردابىنان يكەمگە كەلمەي قالدى.
ول 11-گە تولعاندا اكە-شەشەسى اجىراسىپ كەتتى. ءتىرى جەتىمدىك جۇيكەسىنە اۋىر ءتيىپ، مىنەز-قۇلقى بۇزىلعان بالا 13-كە تولعانشا وننان اسا مەكتەپتىڭ تابالدىرىعىن توزدىردى. ساباعى ناشار، ءتارتىبى تومەن دەگەن سەبەپپەن...
مەكتەپتە ونى تۇرعىلاستارى ء"تىلىڭ مۇكىس، بويىڭ تاپال" دەپ ۇنەمى مازاق ەتىپ، ساباۋشى ەدى.
ول 24-كە تولعانشا قالالىق زووباقتا اڭداردىڭ قورشاۋىن تازالاپ، كۇندىز قوناقۇيدە شۆەيتسار، تۇندە رەستوراندا "ۇرتوقپاق" بوپ جۇمىس ىستەدى.
ول كينواكتيور بولۋدى ارماندادى. الايدا، ونىڭ ءتىل مۇكىستىگى مەن بەت الپەتىنىڭ كەلىسسىزدىگى ءۇشىن وعان ەشبىر رەجيسسەر ءرول بەرگىسى كەلمەدى.
اقشادان قاتتى تارىققان ول 24 جاسىندا پورنوگرافيالىق بەيادەپ فيلمگە تۇسۋگە ءماجبۇر بولدى.
ول 30 جاسىندا شاراپ ىشپەك بوپ بارعا كىرىپ، سول جەردە بوكس جەكپە-جەگىن تەلەديداردان كورگەن سوڭ قاتتى شابىتتانادى. ارادا 2 كۇننىڭ ىشىندە ستسەناري جازىپ، ول ەڭبەگىن ءبىر كينوكومپانياعا 25 مىڭ دوللارعا ساتقان. ونىڭ وزىندە ەگەر باستى رولدە ويناۋىنا كەلىسىم بەرگەن جاعدايدا عانا ساتۋعا كەلىسكەن.
ونىڭ كارتيناسى ۇلكەن جەتىستىككە جەتىپ، كورەرمەندەردى بىردەن باۋراپ الادى. حالىقارالىق كينواكادەميانىڭ بايگەسىندە "وسكار" جۇلدەسى ءۇشىن 10 بىردەي نوميناتسياعا ۇسىنىلىپ، وعان كوپتەگەن ميلليون دوللار تابىس اكەلدى.
ءومىر جولى كوپتەگەن اۋىرتپالىقتارمەن باستالىپ، قايسارلىعى مەن ەڭبەكقورلىعىنىڭ ارقاسىندا الەمدىك كينوجۇلدىز اتاعىنا يە بولعان بۇل اكتيوردىڭ ەسىمى - سيلۆەستر ستاللونە ەدى.
ونىڭ ءومىرىن وزگەرتكەن فيلم - "روككي" بولدى.
قانات ەسكەندىر
