Taǵdyrdyń tálkegine moıymaǵan...

3090
Adyrna.kz Telegram

Ol shyr etip dúnıe esigin ashyp jatqan kezinde, jazmysh solaı bop, bet-júziniń júıkesine zaqym kelgen. Qas-qabaǵy, erini, tili ómir boıy sol zaqymnyń zardabynan ıkemge kelmeı qaldy.

Ol 11-ge tolǵanda áke-sheshesi ajyrasyp ketti. Tiri jetimdik júıkesine aýyr tıip, minez-qulqy buzylǵan bala 13-ke tolǵansha onnan asa mekteptiń tabaldyryǵyn tozdyrdy. Sabaǵy nashar, tártibi tómen degen sebeppen...

Mektepte ony turǵylastary "tiliń múkis, boıyń tapal" dep únemi mazaq etip, sabaýshy edi.

Ol 24-ke tolǵansha qalalyq zoobaqta ańdardyń qorshaýyn tazalap, kúndiz qonaqúıde shveıar, túnde restoranda "urtoqpaq" bop jumys istedi.

Ol kınoaktıor bolýdy armandady. Alaıda, onyń til múkistigi men bet álpetiniń kelissizdigi úshin oǵan eshbir rejısser ról bergisi kelmedi.

Aqshadan qatty taryqqan ol 24 jasynda pornografııalyq beıádep fılmge túsýge májbúr boldy.

Ol 30 jasynda sharap ishpek bop barǵa kirip, sol jerde boks jekpe-jegin teledıdardan kórgen soń qatty shabyttanady. Arada 2 kúnniń ishinde senarıı jazyp, ol eńbegin bir kınokompanııaǵa 25 myń dollarǵa satqan. Onyń ózinde eger basty rólde oınaýyna kelisim bergen jaǵdaıda ǵana satýǵa kelisken.

Onyń kartınasy úlken jetistikke jetip, kórermenderdi birden baýrap alady. Halyqaralyq kınoakademııanyń báıgesinde "Oskar" júldesi úshin 10 birdeı nomınaııaǵa usynylyp, oǵan kóptegen mıllıon dollar tabys ákeldi.

Ómir joly kóptegen aýyrtpalyqtarmen bastalyp, qaısarlyǵy men eńbekqorlyǵynyń arqasynda álemdik kınojuldyz ataǵyna ıe bolǵan bul aktıordiń esimi - Sılvestr Stallone edi.

Onyń ómirin ózgertken fılm - "Rokkı" boldy.

 

Qanat ESKENDIR

Pikirler