Qazaqstan Respublikasynyŋ Ūlttyq muzeiınde «Ūly Dala tarihy İran derekterınde» atty körme aşyldy, dep habarlaidy "Adyrna" ūlttyq portaly.
Būl turaly Mädeniet jäne aqparat ministrlıgı mälımdedı.
Körmege alǧaş ret İran İslam Respublikasynyŋ syrtqy ıster ministrlıgı arhivterınen tabylǧan 27 ejelgı parsy qoljazbasynyŋ köşırmelerı qoiyldy.
Körmedegı eksponattar XVIII–XIX ǧasyrlarda Qazaqstan aumaǧynda bolǧan äleumettık-saiasi jäne ekonomikalyq üderıster turaly qūndy mälımetterdı qamtidy.
Körme būdan aldyn Memleket basşysy Qasym-Jomart Toqaev pen İran İslam Respublikasynyŋ prezidentı Masud Pezeşkiannyŋ nazaryna ūsynylǧan bolatyn.
Qūjattar İran prezidentınıŋ Astanaǧa resmi sapary aiasynda Qazaqstanǧa berılgen.
Ekspozisiiamen tanysqan Memleket basşysy irandyq ärıptesıne tarihi materialdardy ūsynǧany üşın alǧys aityp, olardyŋ otandyq ǧylym men qoǧam üşın maŋyzdylyǧyn atap öttı.
"Būl – öte qūndy syilyq. Bız mındettı türde qazaq qauymyna būl körmenı körsetıp, būqaralyq aqparat qūraldary arqyly keŋınen därıpteimız. Būryn beimälım bolǧan tarihi derekter bar. Qazaq halqyna paidasy zor bolady dep oilaimyn", – dedı Qasym-Jomart Toqaev.
Qoljazbalarda Qazaq handyǧynyŋ äleumettık-ekonomikalyq jaǧdaiy, Täuke jäne Äbılqaiyr handardyŋ iran şahtarymen diplomatiialyq bailanystary, Türkıstandaǧy saiasi ahual, sondai-aq kömır, temır, mys, qorǧasyn jäne biriuza kenışterın igeru mäselelerı sipattalǧan.
Arhivtık materialdar Qazaqstan men İran arasyndaǧy tarihi bailanystardyŋ tyǧyz bolǧanyn körsetedı. Ekı el aumaǧy arqyly Ūly Jıbek joly ötıp, sauda, mädeni jäne ruhani yqpaldastyqtyŋ damuyna jol aşqan.
