Europalyq jarystarǧa qatysuşylardy sertifikattau jönındegı Qazaqstan futbol federasiiasy komissiiasynyŋ otyrysy öttı, dep habarlaidy "Adyrna" ūlttyq portaly, sports.kz-ke sılteme jasap.
Qazaqstan futbol federasiiasynyŋ «Sertifikattau erejelerınıŋ» talaptaryn ıske asyru jönındegı Sertifikattau komissiiasynyŋ otyrysynda kelesı şeşımder qabyldandy:
UEFA-nyŋ 2021/2022 mausymynda Qazaqstan Respublikasynyŋ 2020 jylǧy futbol chempionatyn ötkızu nätijelerı boiynşa, futbol klubtaryn sertifikattau erejelerınıŋ talaptaryn saqtai otyryp, sporttyq nätijeler boiynşa UEFA ötkızetın klubtyq jarystarǧa qatysu qūqyǧyna kuälık berılsın jäne UEFA klubtyq turnirlerıne qatysu üşın qarjylyq feir-plei erejesınıŋ sertifikaty berılsın. Būl futbol klubtary:
"Qairat", Almaty; "Tobyl", Qostanai; "Astana", Nūr-Sūltan; "Şahter", Qaraǧandy rūqsat etıledı.
2020 jylǧy äielder komandalary arasyndaǧy futboldan Qazaqstan Respublikasynyŋ Chempionaty qorytyndysynyŋ sporttyq nätijelerı boiynşa, Sertifikattau erejelerınıŋ talaptaryn saqtai otyryp, 2021/2022 jylǧy mausymda äielder Chempiondar ligasyna qatysu qūqyǧyna sertifikat berılsın, UEFA klubtyq turnirlerıne qatysu üşın futbol klubtary men qarjylyq feir-plei erejesınıŋ sertifikaty berılsın. Būl futbol klubtary:
«BİIK-Qazyǧūrt», Şymkent; «Oqjetpes» QFK, Kökşetau rūqsat etıledı.
"Adyrna" ūlttyq portaly
Ūqsas jaŋalyqtar
