نۇر-سۇلتاندا جانۋارلاردى قورعاۋ جونىندەگى كەڭەس قۇرىلادى، دەپ حابارلايدى "ادىرنا" ءتىلشىسى نۇر-سۇلتان اكىمدىگىنە سىلتەمە جاساپ. ونىڭ قۇرامىنا جانۋارلاردى قورعاۋشىلار، قوعام قايراتكەرلەرى، ۆەتەريناريا قىزمەتكەرلەرى، عالىمدار، اۋىلشارۋاشىلىق ۋنيۆەرسيتەتتەرىنىڭ وقىتۋشىلارى جانە پراكتيك-ۆەتەرينارلار كىرەدى.
توپتىق كەزدەسۋلەر توقسان سايىن وتكىزىلىپ تۇرادى. بۇل تۋرالى بۇگىن جانۋارلاردى قورعاۋ ۇيىمدارىنىڭ وكىلدەرىمەن كەزدەسۋىندە اكىمنىڭ ورىنباسارى نۇرلان سولتامبەكوۆ مالىمدەدى.ەلوردا اكىمدىگى ءباسپاسوز قىزمەتىنىڭ مالىمەتىنشە، كەڭەس قالا اكىمدىگى جانىنان جۇمىس ىستەيتىن بولادى. ول جانۋارلاردىڭ قۇقىعىن قورعاۋمەن، قالانى كۇتىپ ۇستاۋعا ارنالعان ينفراقۇرىلىممەن، ۇيسىزدىك پروبلەمالارىمەن (باسپانا، جانۋارلار پوپۋلياتسياسىن رەتتەۋ) اينالىسادى، ەڭ باستىسى، جانۋارلارعا ىزگىلىكپەن قاراۋ پرينتسيپتەرىن قولدايدى.
جانۋارلار قۇقىعىن قورعاۋشىلار مەملەكەتتىك ورگاننىڭ باستاماسىن قولدادى.
ءبىز قوعامدىق كەڭەس قۇرۋ تۋرالى 2017 جىلدان بەرى ايتىپ كەلەمىز، ءتىپتى قامقورشىلار كەڭەسىنە ەرەجە جازدىق، بىراق ول وتپەدى. مەنىڭ ويىمشا، بۇل دۇرىس كوزقاراسپەن جاسالعان جاقسى باستاما. اكىمدىك تاراپىنان قوعامدىق باقىلاۋ جانە ۇيىمداستىرۋشىلىق قولداۋ بولادى، - دەدى INUCOBO جانۋارلاردى قورعاۋ قاۋىمداستىعىنىڭ پرەزيدەنتى ليليا سارسەنوۆا.
كەزدەسۋدە جاڭا پيتومنيكتى سەنىمگەرلىك باسقارۋعا بەرۋ ماسەلەلەرى دە تالقىلاندى. جيىنعا INUCOBO جانۋارلاردى قورعاۋ قاۋىمداستىعىنىڭ پرەزيدەنتى ليليا سارسەنوۆا، Halfwayhome جانۋارلار باسپاناسىنىڭ باسشىسى گانيكەن دەربيساليەۆا، «يا جيۆوي» باسپاناسىنىڭ باسشىسى ەليزاۆەتا ليپيسەي، «كوۆچەگ» باسپانا ۇيىمداستىرۋشىسى سيۋزاننا چۋلانوۆا جانە ت.ب. قاتىستى.
"ادىرنا" ۇلتتىق پورتالى
