Nur-Sultanda jańa keńes qurylady

4070
Adyrna.kz Telegram

Nur-Sultanda janýarlardy qorǵaý jónindegi keńes qurylady, dep habarlaıdy "Adyrna" tilshisi Nur-Sultan ákimdigine silteme jasap. Onyń quramyna janýarlardy qorǵaýshylar, qoǵam qaıratkerleri, veterınarııa qyzmetkerleri, ǵalymdar, aýylsharýashylyq ýnıversıtetteriniń oqytýshylary jáne praktık-veterınarlar kiredi.

Toptyq kezdesýler toqsan saıyn ótkizilip turady. Bul týraly búgin janýarlardy qorǵaý uıymdarynyń ókilderimen kezdesýinde ákimniń orynbasary Nurlan Soltambekov málimdedi.Elorda ákimdigi baspasóz qyzmetiniń málimetinshe, keńes qala ákimdigi janynan jumys isteıtin bolady. Ol janýarlardyń quqyǵyn qorǵaýmen, qalany kútip ustaýǵa arnalǵan ınfraqurylymmen, úısizdik problemalarymen (baspana, janýarlar popýlıaııasyn retteý) aınalysady, eń bastysy, janýarlarǵa izgilikpen qaraý prınıpterin qoldaıdy.

Janýarlar quqyǵyn qorǵaýshylar memlekettik organnyń bastamasyn qoldady.

Biz qoǵamdyq keńes qurý týraly 2017 jyldan beri aıtyp kelemiz, tipti qamqorshylar keńesine ereje jazdyq, biraq ol ótpedi. Meniń oıymsha, bul durys kózqaraspen jasalǵan jaqsy bastama. Ákimdik tarapynan qoǵamdyq baqylaý jáne uıymdastyrýshylyq qoldaý bolady, - dedi INUCOBO janýarlardy qorǵaý qaýymdastyǵynyń prezıdenti Lılııa Sarsenova.

Kezdesýde jańa pıtomnıkti senimgerlik basqarýǵa berý máseleleri de talqylandy. Jıynǵa INUCOBO janýarlardy qorǵaý qaýymdastyǵynyń prezıdenti Lılııa Sarsenova, Halfwayhome janýarlar baspanasynyń basshysy Ganıken Derbısalıeva, «Ia jıvoı» baspanasynyń basshysy Elızaveta Lıpıseı, «Kovcheg» baspana uıymdastyrýshysy Sıýzanna Chýlanova jáne t.b. qatysty.

"Adyrna" ulttyq portaly

Pikirler