شىمكەنت: جوندەۋ جۇمىستارى اياقتالعان كوشەلەر تۇرعىندار يگىلىگىنە بەرىلدى

شىمكەنتتە بىرقاتار كوشەدە جول-قۇرىلىس جۇمىستارى اياقتالدى. اتاپ ايتقاندا، سامال-2 شاعىناۋدانىنداعى ريزالىق كوشەسىندە ورتاشا جوندەۋ جۇمىستارى اياقتالدى. مەردىگەر مەكەمە «سيقىم ولجاس» جشس-ءى قۇرىلىستى جوسپارعا ساي اتقاردى. كوشەنىڭ ۇزىندىعى - 800 مەتر، ەنى - 5 مەتر. تاسكەن تۇرعىن الابىنداعى №115 مەكتەپكە باراتىن اتاۋى جوق كوشەگە جاياۋ جۇرگىنشىلەر جولىن سالۋ جۇمىستارى «سيقىم ولجاس» جشس-ءى تاراپىنان ورىندالدى. جاياۋ جۇرگىنشىلەر جولىنىڭ ۇزىندىعى - 680 مەتر. بۇگىنگى تاڭدا اياق جول پايدالانۋعا بەرىلدى. سونداي-اق، جاڭاتالاپ تۇرعىن الابىنداعى اتاۋى جوق كوشەگە ورتاشا جوندەۋ جانە جاياۋ جۇرگىنشىلەر جولىن ورناتۋ («دوستىق سپەتسترانس» جشس-ءى), اقنيەت شاعىناۋدانى راۋعاش كوشەسىندە ورتاشا جوندەۋ («وڭتۇستىك عيمارات قۇرىلىس» جشس-ءى), ىنتىماق شاعىناۋدانى جىبەك جولى كوشەسىندە ورتاشا جوندەۋ جۇمىستارى («وڭتۇستىك عيمارات قۇرىلىس» جشس-ءى) تولىعىمەن اياقتالىپ، تۇرعىندار يگىلىگىنە بەرىلدى.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى