بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا وتكەن بريفينگتە شىمكەنت قالالىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشىسى عالىمجان ابىشەۆ ءمالىم ەتتى.
– مەملەكەتتىك مەديتسينالىق ۇيىمداردىڭ كومپيۋتەرلىك تەحنيكامەن قامتاماسىز ەتىلۋى 75%-دى قۇرايدى. «يننوۆاتسيالىق زياتكەرلىك تەحنولوگيالار اكادەمياسى» جشس-ءى مەملەكەتتىك-جەكە مەنشىك ارىپتەستىك شەڭبەرىندە 1901 كومپيۋتەر مەن 674 پرينتەردى جەتكىزۋدى باستادى. وسى جىلدىڭ 1 قىركۇيەگىنە دەيىن 220 كومپيۋتەر، 160 پرينتەر جەتكىزىلدى. ياعني، قالاداعى مەديتسينالىق ۇيىمدار 1 قازانعا دەيىن 100% كومپيۋتەرلىك تەحنيكامەن قامتاماسىز ەتىلەدى، – دەدى ع.ابىشەۆ.
عالىمجان موتايۇلىنىڭ ايتۋىنشا، قالاداعى 32 مەملەكەتتىك جانە 72 جەكە مەنشىك مەديتسينالىق ۇيىم «ساقتاندىرۋ» اقپاراتتىق جۇيەسىمەن 100% ينتەگراتسيالانعان. ال مەديتسينالىق ۇيىمدار ەلەكتروندىق دەنساۋلىق پاسپورتتارىن 1 037 253 ادامعا (97%) تولتىرعان. سونداي-اق، مەديتسينالىق ۇيىمداردا مىندەتتى الەۋمەتتىك مەديتسينالىق ساقتاندىرۋ جۇيەسىنە تولەمدەردى قابىلداۋ ءۇشىن 38 تەرمينال (100%) ورناتىلعان.
بريفينگ بارىسىندا عالىمجان ابىشەۆ: «مەديتسينالىق-سانيتاريالىق العاشقى كومەك كورسەتەتىن ۇيىمدارعا بەكىتىلمەگەن 28 126 ادامنىڭ 2020 جىلعى 4 قىركۇيەگىندە 4 083 ادام ەمحاناعا تىركەلگەن، قايتىس بولعاندار – 6657 ادام، باسقا ەلگە تۇرۋعا كەتكەندەر – 10 750 ادام، ال تىركەلمەگەندەر 5 276 ادامدى قۇرادى. تىركەلمەگەن 5 276 ادامدى انىقتاۋ ءۇشىن ەمحانالار تاراپىنان ءۇي ارالاۋ جۇمىستارى جالعاسۋدا. بەكىتىلمەگەن حالىق بويىنشا ۆەدومستۆوارالىق مەملەكەتتىك مەكەمەلەردىڭ اقپاراتتىق بازالارىمەن (ە-حالىق، «ورالمان» اج، «الەۋمەتتىك مارتەبەنى انىقتاۋ» اج جانە ت.ب.) تەكسەرىلەدى. سونىمەن قاتار، ەمحانالار تاراپىنان انىقتاۋ جۇمىستارى جۇرگىزىلۋدە» دەپ، ءسوزىن تۇيىندەدى.
ايتا كەتەيىك، مىندەتتى الەۋمەتتىك مەديتسينالىق ساقتاندىرۋدى ءتۇسىندىرۋ ماقساتىندا بىرقاتار جۇمىستار اتقارىلعان. ناتيجەسىندە، حالىقتى اقپاراتتىق ءتۇسىندىرۋ 684 932 ادامدى قۇراعان.
شىمكەنت اقپاراتتىق-كوممۋنيكاتسيالىق ورتالىعى
فوتو – سەرىك قوساي
