قازاقستان پرەزيدەنتى قاسىم-جومارت توقاەۆ تۇركيا پرەزيدەنتى رەدجەپ تايپ ەردوعانعا كوڭىل ايتۋ جەدەلحاتىن جولدادى، دەپ حابارلايلى "ادىرنا" ءتىلشىسى.
جەدەلحاتتا يزمير پروۆينتسياسىنداعى جەر سىلكىنىسى سالدارىنان قايتىس بولعاندار مەن زارداپ شەككەن ازاماتتار تۋرالى سۋىت حاباردى ەستىگەندە قاتتى قامىققاندىعى ايتىلدى.
– سىزگە جانە وسى تابيعي اپاتتا جاقىندارىنان ايىرىلعان وتباسىلارعا قازاقستان حالقىنىڭ جانە جەكە ءوزىمنىڭ اتىمنان كوڭىل ايتىپ، ورنى تولماس قايعىعا ورتاقتاسامىن. جاراقات العان ادامداردىڭ تەز ارادا وتباسىلارىنا قايتا ورالۋلارىنا دۇعا ەتەمىز. باۋىرلاس تۇرىك حالقىنا شىنايى تىلەكشى ەل رەتىندە قاجەتتىلىك تۋىنداعان جاعدايدا قازاق حالقى مەن ۇكىمەتى ءتيىستى كومەك كورسەتۋگە دايىن، – دەلىنگەن جەدەلحاتتا.
