ادامزات قاۋىمى جىل، اي ساناپ ەمەس، ءتىپتى، اپتا، كۇن ساناپ تسيفرلاندىرۋ زامانىنىڭ سيقىرلى الەمىنە ەنۋدە. تسيفرلاندىرۋ تەحنولوگيالارى دەگەنىمىز – بۇل بۇرىن-سوندى ادامزات باستان كەشپەگەن عاجايىپ الەمنىڭ جاڭا قۇرالدارى. ولار قازىردىڭ وزىندە وڭ ناتيجەلەرىن كورسەتۋدە. تەحنولوگيالاردى ويلاپ تابۋ ارقىلى ادامزات ءوز تىرشىلىگىن جەڭىلدەتىپ جاتىر. سوندىقتان بولار ەلىمىز نەگىزگى باسىمدىقتى تسيفرلاندىرۋعا قاراي بۇردى.
ارۋ قالا الماتىدا بۇگىندە «تسيفرلى قازاقستان» باعدارلاماسى بارلىق سالادا ءتيىستى دەڭگەيدە جۇزەگە اسىپ كەلەدى دەسە بولادى. ونىڭ ءبىر مىسالى، مەكەمە، عيماراتتار قويىپ، ەندى قوعامدىق كولىكتەرگە تەگىن Wi-Fi ورناتىلۋدا. ەندى جولاۋشىلار جول بويى اقىسىز ينتەرنەتتى قولدانا الادى.
جوق، ءازىل ەمەس. الماتى اۆتوبۋستارىندا شىنىمەن جۇمىس ىستەيتىن EZ Wi-Fi پايدا بولدى. ال EZ Wi-Fi دەگەنىمىز نە؟ بۇل ءسىز جۇرەتىن اۆتوبۋستارداعى جاڭا، تەگىن ينتەرنەت. ەگەر بۇرىنىراق اۆتوبۋستا «اقىسىز Wi-Fi» فۋنكتسياسى جۇمىس ىستەمەي نەمەسە قول جەتىمسىز بولسا، بۇگىندە بۇل ماسەلە EZ Wi-Fi كومپانياسى ارقىلى شەشىمىن تاپتى. ايتا كەتەيىك، EZ Wi-Fi كومپانياسى 2019 جىلى الماتى قالاسى مەن قازاقستان قالالارىندا جەر ءۇستى كولىكتەرىن Wi-Fi-عا اقىسىز قوسۋ جەلىسىن قۇرۋ جوباسى بويىنشا تىركەلگەن، ال كوماندانىڭ 2012 جىلدان بەرى بۇل باعىتتا تاجىريبەسى بار.
بۇگىنگى كۇنى Wi-Fi جەلىسى بار مارشرۋتتار مىنالار. اۆتوبۋستار: 92, 120, 121, 63, 37, 38, 141, 62, 104, 215, 18, 99, 19, 95, 52, 56, 59, 62, 70, 71, 72, 74, 80, 86, 104, 115, 123, 124, 127, 141, 215. تروللەيبۋستار: 1, 5, 7, 11, 12, 19, 25.
قالا تۇرعىندارى مەن قوناقتارىنا ەندىگى كەزەكتە تەگىن ينتەرنەتتى جايلىلىقپەن جانە راحاتپەن پايدالانىڭىز دەگىمىز كەلەدى.
د.ارعىنگەلدى،
“ادىرنا” ۇلتتىق پورتالى
