Adamzat qauymy jyl, ai sanap emes, tıptı, apta, kün sanap sifrlandyru zamanynyŋ siqyrly älemıne enude. Sifrlandyru tehnologiialary degenımız – būl būryn-sondy adamzat bastan keşpegen ǧajaiyp älemnıŋ jaŋa qūraldary. Olar qazırdıŋ özınde oŋ nätijelerın körsetude. Tehnologiialardy oilap tabu arqyly adamzat öz tırşılıgın jeŋıldetıp jatyr. Sondyqtan bolar elımız negızgı basymdyqty sifrlandyruǧa qarai būrdy.
Aru qala Almatyda bügınde «Sifrly Qazaqstan» baǧdarlamasy barlyq salada tiıstı deŋgeide jüzege asyp keledı dese bolady. Onyŋ bır mysaly, mekeme, ǧimarattar qoiyp, endı qoǧamdyq kölıkterge tegın Wi-Fi ornatyluda. Endı jolauşylar jol boiy aqysyz internettı qoldana alady.
Joq, äzıl emes. Almaty avtobustarynda şynymen jūmys ısteitın EZ Wi-Fi paida boldy. Al EZ Wi-Fi degenımız ne? Būl sız jüretın avtobustardaǧy jaŋa, tegın internet. Eger būrynyraq avtobusta «aqysyz Wi-Fi» funksiiasy jūmys ıstemei nemese qol jetımsız bolsa, bügınde būl mäsele EZ Wi-Fi kompaniiasy arqyly şeşımın tapty. Aita keteiık, EZ Wi-Fi kompaniiasy 2019 jyly Almaty qalasy men Qazaqstan qalalarynda jer üstı kölıkterın Wi-Fi-ǧa aqysyz qosu jelısın qūru jobasy boiynşa tırkelgen, al komandanyŋ 2012 jyldan berı būl baǧytta täjıribesı bar.
Bügıngı künı Wi-Fi jelısı bar marşruttar mynalar. Avtobustar: 92, 120, 121, 63, 37, 38, 141, 62, 104, 215, 18, 99, 19, 95, 52, 56, 59, 62, 70, 71, 72, 74, 80, 86, 104, 115, 123, 124, 127, 141, 215. Trolleibustar: 1, 5, 7, 11, 12, 19, 25.
Qala tūrǧyndary men qonaqtaryna endıgı kezekte tegın internettı jailylyqpen jäne rahatpen paidalanyŋyz degımız keledı.
D.Arǧyngeldı,
“Adyrna” ūlttyq portaly
