قازاقستانداعى تاۋەلسىز باقىلاۋشىلار ءۇشىن ەنگىزىلگەن شەكتەۋلەرگە اقش الاڭداۋشىلىق ءبىلدىرىپتى. مەن مۇنى بايدەننىڭ جەڭىسىنىڭ ارقاسى دەپ بىلەمىن. ول تىكەلەي تاپسىرما بەرمەسە دە ەلشىلىكتەر، مەم. دەپارتامەنت، باسقا دا ورگاندار پرەزيدەنت ۇستانعان باعىتقا قاراي بۇرىنعى كوزقاراستارىنا كوررەكتيروۆكا جاسايتىنى انىق، ويتكەنى جاڭا پرەزيدەنت تمد اۋماعى ەلدەرىنە كوبىرەك كوڭىل بولەتىنى ايتىلىپ قالدى.
ال ترامپ جانە ونىڭ اكىمشىلىگى بۇرىنعى تمد ەلدەرىنىڭ اۋماعىن رەسەيدىڭ قاراماعىنا بەرىپ قويعانى بەلگىلى. ايتپاسا دا جازىلماعان زاڭ سولاي بولدى، ولار ءبىر-ءبىرىن كوزبەن ۇعىسىپ، نە قىلساڭ دا ءوزىڭ ءبىل دەگەندەي بولدى. ناتيجەسىندە تمد اۋماعىنداعى ديكتاتورلار بىلگەندەرىن جاسادى، قولدارىنان ەشكىم قاققان جوق.
شاماسى ونداي كۇندەر اياقتالاتىن سياقتى. ەندىگى كەزەكتە سول ءبارىبىر زاڭسىز وتكەلى وتىرعان سايلاۋدى مويىنداماسا دەگەن تىلەك بار. ارينە، بۇرىننان دا ونداي سايلاۋلاردىڭ تالايى مويىندالماي، سوعان قاراماستان بيلىك ەش قىسىلماستان بۇرىنعى ىستەرىن جالعاستىرىپ كەلەدى، لەگيتيمدىلىك دەگەن تۇسىنىكتى بۇلار مويىنداي قويمايدى. كەلەسى كەزەكتە ەندى تەك لەگيتيمدى ەمەس دەپ ايتىپ قانا قويماي، "ماگنيتسكي زاڭى" سياقتى شارالار دا السا دەيمىن. ەۋرووداق ون جىل بويى تالقىلاپ، اقىرى "ماگنيتسكي زاڭىن" قابىلدادى. ال بۇل جەردە تەك ءبىر-جار ادام عانا ەمەس، بۇكىل قازاقستاندىقتاردىڭ ادامي قۇقى بۇزىلعالى وتىر.
