اقتوبەدە وبلىستىق ءماسليحات دەپۋتاتى اركادي ني «Nur Otan» پارتياسىنىڭ قاتارىنان شىعارىلدى، دەپ حابارلايدى «ادىرنا» ءتىلشىسى پارتيانىڭ اقتوبە وبلىستىق بولىمشەسىنە سىلتەمە جاساپ.
«اقتوبە وبلىسى ءماسليحاتىنىڭ دەپۋتاتى اركادي ءنيدى زاڭسىز ءىس-ارەكەتتەردى جاسادى دەگەن كۇدىكپەن ۇستاۋ فاكتىسى بويىنشا ءبىز سىزدەرگە "نۇر وتان" حدپ پارتيالىق باقىلاۋ كوميسسياسى ارقادي ءنيدى "نۇر وتان" پارتياسىنىڭ بيلەتىنەن ايىرۋ تۋرالى ماسەلەنى قاراۋدى وبلىستىق فيليالدىڭ ساياسي كەڭەسى بيۋروسىنا ۇسىنعانىن حابارلايمىز", - دەلىنگەن ءباسپاسوز حابارلاماسىندا.
قازىرگى تاڭدا كۇدىكتى قىلمىستىق ءىس جۇرگىزۋ كودەكسىنىڭ 128 بابى "ادام ساۋداسى" بويىنشا اقتوبە قالاسىنداعى ۋاقىتشا ۇستاۋ يزولياتورىنا قامالدى.
ايتا كەتەيىك، بۇعان دەيىن Kozachkov offside Telegram ارناسىندا اقتوبەدە 16 جاسقا تولماعان قىزبەن جىنىستىق قاتىناستا بولدى دەگەن كۇدىكپەن ءىرى كاسىپكەر ۇستالعانى تۋرالى اقپارات جاريالانعان بولاتىن.
«ادىرنا» ۇلتتىق پورتالى
