Aqtóbede oblystyq máslıhat depýtaty Arkadıı Nı «Nur Otan» partııasynyń qatarynan shyǵaryldy, dep habarlaıdy «Adyrna» tilshisi partııanyń Aqtóbe oblystyq bólimshesine silteme jasap.
«Aqtóbe oblysy máslıhatynyń depýtaty Arkadıı Nıdi zańsyz is-áreketterdi jasady degen kúdikpen ustaý faktisi boıynsha biz sizderge "Nur Otan" HDP partııalyq baqylaý komıssııasy Arqadıı Nıdi "Nur Otan" partııasynyń bıletinen aıyrý týraly máseleni qaraýdy oblystyq fılıaldyń saıası keńesi bıýrosyna usynǵanyn habarlaımyz", - delingen baspasóz habarlamasynda.
Qazirgi tańda kúdikti qylmystyq is júrgizý kodeksiniń 128 baby "Adam saýdasy" boıynsha Aqtóbe qalasyndaǵy ýaqytsha ustaý ızolıatoryna qamaldy.
Aıta keteıik, buǵan deıin Kozachkov offside Telegram arnasynda Aqtóbede 16 jasqa tolmaǵan qyzben jynystyq qatynasta boldy degen kúdikpen iri kásipker ustalǵany týraly aqparat jarııalanǵan bolatyn.
«Adyrna» ulttyq portaly
