بوجكو قازاقتىڭ جەرىنە قاتىستى ءبۇي دەپتى

10715
Adyrna.kz Telegram

ەكى كۇننەن بەرى رەسەيلىك شەنەۋنىكتىڭ «قازاقتىڭ جەرى بولماعان» دەگەن ءسوزى ءۇشىن قازاق قوعامى دۇرلىگىپ جاتىر. باسقا-باسقا، قازاقتىڭ جەرى بولمادى دەۋ ەڭ الدىمەن، ارينە تاريحقا جاسالعان قيانات. ەكىنشىدەن، بۇل ءسوزدى باسقا ەمەس، كورشى ەلدىڭ دەپۋتاتىنىڭ ايتۋى بەكەر ەمەسى انىق. وسىعان بايلانىستى، كەشە كۇنى بويى قوعام بىزدەگى اسسامبلەيا وكىلدەرىنەن، قازاقستانداعى ورىس ۇلتى وكىلدەرىنەن سالماقتى دۇنيە ايتار دەپ كۇتكەنى راس. بۇگىن ۆلاديمير بوجكو «ويانىپ»، «ەكى كۇن ينتەرنەتكە كىرمەدىم، كارانتيندە وقشاۋلاۋدا بولدىم» دەپ ءسوزىنىڭ القيسساسىن باستاپتى.

«رەسەي فەدەراتسياسى دۋماسىنىڭ قاتارداعى دەپۋتاتى نيكونوۆتىڭ «رەسەي قازاقستانعا جەردى سىيلىققا بەردى» دەگەن مالىمدەمەسىنە قاتىستى قازاقستاننىڭ ءسىم نوتاسىن جولدادى. تاريحقا قىزىعۋشىلىق تانىتاتىن كەز-كەلگەن ادام كىم جانە قاي اۋماقتا جانە قاي ۋاقىتتا ءومىر سۇرگەنىن كورسەتە الادى. قازاقستاننىڭ اۋماقتىق تۇتاستىعىنا جانە ونىڭ شەكاراسىنا كۇمان كەلتىرۋگە تىرىسقان كوپتەگەن قايراتكەرلەر پايدا بولعان 1991-95 جىلدارداعى رۋحىنىڭ ءيىسىن سول كەزدىڭ وزىندە-اق سەزىندى.

ماعان جانە ۇقك-ءنىڭ باسقا دا بىرقاتار قىزمەتكەرلەرىنە سول كەزدەن باستاپ ۇلتارالىق ارازدىقتى قوزدىرۋعا تىرىسقان سەپاراتيستىك كوزقاراستارىمەن، كەيبىر اۋماقتاردى بولۋگە نەمەسە ەڭ بولماعاندا، ولاردىڭ قازاقستانعا قاتىستىلىعىنا كۇمان كەلتىرۋگە تىرىسقان ادامدارمەن اينالىسۋعا تۋرا كەلدى.

وسىنداي ارەكەتتەرى ءۇشىن سوت ۇكىمىمەن كازيميرچۋك جانە ونىڭ شقو-دا جۇمىس ىستەگەن توبى، كوكشەتاۋ قالاسىنداعى انتوشكو توبى ناقتى تۇرمەگە جابىلدى. رەسەيدىڭ فسب-مەن بىرگە بەلگىلى ليمونوۆ پەن ونىڭ ۇلتتىق بولشەۆيكتىك پارتياسىنىڭ كەيبىر مۇشەلەرىنىڭ ءبىزدىڭ اۋماقتا "ەكىنشى رەسەي"دەپ اتالاتىن ارەكەتتى قۇرۋعا نيەتتى ارەكەتتەرى توقتاتىلدى.

وسى وقيعالاردان كەيىن ۇقك پروفيلاكتيكالىق جەدەل ءىس-شارالاردىڭ ۇلكەن كەشەنى بارىسىندا ، ونىڭ ىشىندە قاجەت بولعان جاعدايدا جانە رەسەيدىڭ ارنايى قىزمەتتەرىنىڭ كومەگىمەن ءبىزدىڭ شەكارالارىمىزبەن ويناعىسى كەلەتىندەردى جانە ۇلتارالىق الاۋىزدىقتى ورشىتەتىندەردى قاتتى سەزىندى. سوندىقتان دا 25 جىل بويى بىزدە تىنىشتىق بولدى جانە ءبىز بارلىق كۇش-جىگەرىمىزبەن جانە بۇكىل قوعاممەن ءبىزدىڭ ەلىمىزدەگى بارلىق ازاماتتاردىڭ بەيبىتشىلىگى مەن كەلىسىمىن ساقتادىق جانە بۇل ءۇشىن ءبىزدىڭ وتانىمىزدىڭ پاتريوتى بولىپ تابىلاتىن، ونىڭ ەگەمەندىگى مەن اۋماعىنىڭ قول سۇعىلماۋشىلىعىن قورعايتىن قازاقستاننىڭ سلاۆياندارىنىڭ دا سىڭىرگەن ەڭبەگى زور.

مەنىڭشە، قازاقستاننىڭ ءسىم نوتاسى مەن مەنىڭ دوسىم سەناتور مۇحتار قۇل-مۇحاممەدتىڭ مالىمدەمەسى جانە ءبىزدىڭ كوپتەگەن ازاماتتارىمىزدىڭ وتكىر رەاكتسياسى نيكونوۆ مىرزاعا جانە باسقالارعا مەملەكەتارالىق قارىم-قاتىناستارعا اسەر ەتەتىن سەزىمتال ماسەلەلەر ولاردىڭ رەيتينگتەرىن كوتەرۋ ماقساتىندا ءتۇرلى شوۋلار شەڭبەرى  ۇشىن ءسوز ەتەتىن تاقىرىپ ەمەس. بۇل ماسەلە قازاقستان مەن رەسەيدىڭ ستراتەگيالىق سەرىكتەستىك قاتىناستارىنىڭ ىرگەتاسى ەكەنىن ۇعىنۋعا كومەكتەسەدى. بۇل قاتىناستاردى قورعاۋ كەرەك».

P.S جايشىلىقتا ۇستەلدى توقپاقتاپ، ايتارىن قايمىقپاي جەتكىزەتىن بوجكو مىرزانىڭ الىستان وراعىتىپ، نە ايتقىسى كەلگەنىن رەسەيلىك ارىپتەسى نيكونوۆتىڭ دا ۇعا قويۋى ەكىتالاي-اۋ. «نيكونوۆ، بوس ساندالما! قازاقتىڭ قازىرگى ۇلان-عايىر جەرى باباسىنىڭ قانىمەن، اتاسىنىڭ جانىمەن ۇرپاققا ميراس بولعان! قازاقتىڭ جەرى كەشە دە بولدى، بۇگىن دە بار، ەرتەڭ دە بولادى!» دەپ كۇركىرەپ، كەسىمدى ءسوز ايتادى-اۋ دەپ كۇتكەن بوجكومىز ءسوزىنىڭ شۋداسىن ءبىراز جەرگە دەيىن سۇيرەپتى. بار باسىمدىقتى رەسەي مەن قازاقستان اراسىنداعى قاتىناستى ساقتاۋ كەرەك دەگەنگە بەرگەن بوجكو بۇلاي دەسە، باسقاسىنان نە كۇتەرسىز؟

 

«ادىرنا» ۇلتتىق پورتالى.  

فوتو اشىق دەرەككوزدەن الىندى.

پىكىرلەر