Ekı künnen berı reseilık şeneunıktıŋ «Qazaqtyŋ jerı bolmaǧan» degen sözı üşın qazaq qoǧamy dürlıgıp jatyr. Basqa-basqa, qazaqtyŋ jerı bolmady deu eŋ aldymen, ärine tarihqa jasalǧan qiianat. Ekınşıden, būl sözdı basqa emes, körşı eldıŋ deputatynyŋ aituy beker emesı anyq. Osyǧan bailanysty, keşe künı boiy qoǧam bızdegı Assambleia ökılderınen, Qazaqstandaǧy orys ūlty ökılderınen salmaqty dünie aitar dep kütkenı ras. Bügın Vladimir Bojko «oianyp», «ekı kün internetke kırmedım, karantinde oqşaulauda boldym» dep sözınıŋ älqissasyn bastapty.
«Resei Federasiiasy Dumasynyŋ qatardaǧy deputaty Nikonovtyŋ «Resei Qazaqstanǧa jerdı syilyqqa berdı» degen mälımdemesıne qatysty Qazaqstannyŋ SIM notasyn joldady. Tarihqa qyzyǧuşylyq tanytatyn kez-kelgen adam kım jäne qai aumaqta jäne qai uaqytta ömır sürgenın körsete alady. Qazaqstannyŋ aumaqtyq tūtastyǧyna jäne onyŋ şekarasyna kümän keltıruge tyrysqan köptegen qairatkerler paida bolǧan 1991-95 jyldardaǧy ruhynyŋ iısın sol kezdıŋ özınde-aq sezındı.
Maǧan jäne ŪQK-nıŋ basqa da bırqatar qyzmetkerlerıne sol kezden bastap ūltaralyq arazdyqty qozdyruǧa tyrysqan separatistık közqarastarymen, keibır aumaqtardy böluge nemese eŋ bolmaǧanda, olardyŋ Qazaqstanǧa qatystylyǧyna kümän keltıruge tyrysqan adamdarmen ainalysuǧa tura keldı.
Osyndai äreketterı üşın sot ükımımen Kazimirchuk jäne onyŋ ŞQO-da jūmys ıstegen toby, Kökşetau qalasyndaǧy Antoşko toby naqty türmege jabyldy. Reseidıŋ FSB-men bırge belgılı Limonov pen onyŋ ūlttyq bolşeviktık partiiasynyŋ keibır müşelerınıŋ bızdıŋ aumaqta "ekınşı Resei"dep atalatyn ärekettı qūruǧa niettı äreketterı toqtatyldy.
Osy oqiǧalardan keiın ŪQK profilaktikalyq jedel ıs-şaralardyŋ ülken keşenı barysynda , onyŋ ışınde qajet bolǧan jaǧdaida jäne Reseidıŋ arnaiy qyzmetterınıŋ kömegımen bızdıŋ şekaralarymyzben oinaǧysy keletınderdı jäne ūltaralyq alauyzdyqty örşıtetınderdı qatty sezındı. Sondyqtan da 25 jyl boiy bızde tynyştyq boldy jäne bız barlyq küş-jıgerımızben jäne bükıl qoǧammen bızdıŋ elımızdegı barlyq azamattardyŋ beibıtşılıgı men kelısımın saqtadyq jäne būl üşın bızdıŋ Otanymyzdyŋ patrioty bolyp tabylatyn, onyŋ egemendıgı men aumaǧynyŋ qol sūǧylmauşylyǧyn qorǧaityn Qazaqstannyŋ slaviandarynyŋ da sıŋırgen eŋbegı zor.
Menıŋşe, Qazaqstannyŋ SIM notasy men menıŋ dosym senator Mūhtar Qūl-Mūhammedtıŋ mälımdemesı jäne bızdıŋ köptegen azamattarymyzdyŋ ötkır reaksiiasy Nikonov myrzaǧa jäne basqalarǧa memleketaralyq qarym-qatynastarǧa äser etetın sezımtal mäseleler olardyŋ reitingterın köteru maqsatynda türlı şoular şeŋberı üşın söz etetın taqyryp emes. Būl mäsele Qazaqstan men Reseidıŋ strategiialyq serıktestık qatynastarynyŋ ırgetasy ekenın ūǧynuǧa kömektesedı. Būl qatynastardy qorǧau kerek».
P.S Jaişylyqta üsteldı toqpaqtap, aitaryn qaimyqpai jetkızetın Bojko myrzanyŋ alystan oraǧytyp, ne aitqysy kelgenın reseilık ärıptesı Nikonovtyŋ da ūǧa qoiuy ekıtalai-au. «Nikonov, bos sandalma! Qazaqtyŋ qazırgı ūlan-ǧaiyr jerı babasynyŋ qanymen, atasynyŋ janymen ūrpaqqa miras bolǧan! Qazaqtyŋ jerı keşe de boldy, bügın de bar, erteŋ de bolady!» dep kürkırep, kesımdı söz aitady-au dep kütken Bojkomyz sözınıŋ şudasyn bıraz jerge deiın süireptı. Bar basymdyqty Resei men Qazaqstan arasyndaǧy qatynasty saqtau kerek degenge bergen Bojko būlai dese, basqasynan ne kütersız?
«Adyrna» ūlttyq portaly.
Foto aşyq derekközden alyndy.
