سينگاپۋردا ۆاكتسينالاۋ قىزۋ ءجۇرىپ جاتىر، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
بۇگىن قالا-مەملەكەتتىڭ پرەمەر-ءمينيسترى لي سيان لۋن ەكپە سالدىردى. 68 جاستاعى ساياساتكەرگە Pfizer-BioNTech پرەپاراتى ەگىلگەن. ونىڭ ايتۋىنشا، ۆاكتسينا بارلىق تۇرعىن ءۇشىن، ءتىپتى ەلدەگى شەتەلدىكتەر ءۇشىن دە جەتكىلىكتى. قازىر ەكپەنى نەگىزىنەن مەديتسينا قىزمەتكەرلەرى مەن COVID-19-عا شالدىققان ناۋقاستارمەن تىكەلەي جۇمىس ىستەيتىن ماماندار قابىلداۋدا. ۇكىمەت الدىن الا ساۋالناما جۇرگىزىپ، جەرگىلىكتى حالىقتىڭ 60%-ءى ۆاكتسينا سالدىرۋعا نيەتتى ەكەنىن انىقتاعان.
«وسىندا كەلىپ، ۆاكتسينا قابىلداعانىم ءۇشىن وتە باقىتتىمىن. ەش اۋىرعان جوق. 3 اپتادان سوڭ قايتا كەلىپ، تەكسەرىلەمىن. ەكپە سالدىرۋ ماڭىزدى ءارى ءتيىمدى. بارلىق سينگاپۋرلىقتار قابىلدايدى دەپ سەنەمىن»،-دەدى لي سيان لۋن.
«ادىرنا» ۇلتتىق پورتالى
