زاڭدى بەلشەسىنەن بۇزىپ، حالىق داۋسىن اشىق بۇرمالاۋعا جول بەرگەن سايلاۋ دەگەن ساياسي ناۋقاننىڭ ادىلەتسىز وتكەنىنە ءبارىمىز كۋا بولدىق. الەۋمەتتىك جەلىدەگى پىكىرىن اشىق ايتاتىن كەيبىر ازاماتتاردىڭ پىكىرىنشە حالىقتىڭ بويىندا عاسىرلار بويى كورگەن سوعىسسىز قىرعىن، اشارشىلىق، رەپرەسسيا زاردابىنان قالعان ۇرەي بار.
بۇل دا قازاقتىڭ پاسسيونارلى ۇلتقا اينالدىرماي وتىرعان فاكتور. ال مەنىڭ سۋبەكتيۆتى پىكىرىم بويىنشا6 كوپشىلىكتى قۇرايتىن ءدۇيىم ەلدىڭ ساياساتقا نەمقۇرايدىلىق تانىتۋىنىڭ نەگىزگى سەبەبى ءدىني فاتاليزمدە جاتىر. ومىردەگى تيرانيا مەن باسسىزدىققا توزىمدىلىكپەن قارايتىن شۇكىر-تاۋبەشىل ءدىني سانا دەموكراتيالىق وزگەرىستەردىڭ قاس جاۋى ەكەنىن ۇلت بولىپ قاشان تۇسىنەدى ەكەنبىز؟ كۇندەلىكتى تۇرمىستاعى، ياعني ومىردەگى بارلىق پروتسەسستەردى قۇدايدىڭ قالاۋى دەپ تۇسىندىرەتىن ءدىنشىل قاۋىمنىڭ ۇگىت-ناسيحاتىنان تولىقتاي ارىلمايىنشا قازاق قوعامى ارقاشان اۆتوريتارلى بولىپ قالا بەرمەك.
تۇراربەك قۇسايىنوۆ،
"دەموس" قب توراعاسى
