(رەسەيلىك سۋرەتشى گۇلزيپا قازيەۆانىڭ شىعارماشىلىعى حاقىندا)
تەڭىز قولتىعىنا تىعىلىپ الىپ، الاڭسىز بۇيىعىپ جاتقان قاراتەرەڭ اۋىلىنان ورگەن ونەر تارلاندارى جەتىپ ارتىلادى. ءبىزدىڭ كلاستىڭ وزىنەن عانا ۇلت رۋحانياتىنا ولجا سالعان ءبىر كاسىبي كينواكتريسا، ءبىر كاسىبي تەاتر اكتەرى شىقتى. ال ساباق ۇستىندە تەرەزەدەن الىس كوكجيەككە كوز تاستاپ قويىپ، شارتاراپتى ويشا شارلاپ، الدىنداعى اق قاعازدى دامىلسىز سىزعىلاپ وتىراتىن ارمانشىل قىز اقىرى تانىمال قىلقالام شەبەرىنە اينالدى.
كوپ جىلدىڭ ءجۇزى بولدى، مەنىڭ كلاستاسىم، تالانتتى سۋرەتشى گۇلزيپا قازيەۆا (جەكسەمبيەۆا) رەسەيدە تۇرادى. سول ەلدەگى قازاقتاردىڭ مۇڭ-مۇقتاجىن بارشا جۇرتقا بەينەلەۋ ونەرىنىڭ تىلىمەن جەتكىزەدى. جاس ورەندەردى قىلقالام ۇستاۋعا باۋليدى. تالاي رەت جەكە كورمەسىن وتكىزىپ، بىرنەشە جۇلدەگە يە بولعان مايتالمان مامان. الايدا، كوڭىلىنىڭ تورىندەگى تۇرلاۋلى تاقىرىبى – ارال تاعدىرى. ءوزىنىڭ بالا كەزىندەگى كوك تەڭىزدىڭ كەلبەتىن قايتا-قايتا بەدەرلەپ، جۇرەگىنە جازۋدان جالىققان ەمەس. ول وسى ارقىلى ايدىندى ارالدىڭ كەمەرىنە قايتا تولعانىن اڭسايتىن شىعار.
سودان سوڭ ءسىرا، اڭسارلى دا استارلى ويىن بوياۋدىڭ تىلىمەن بىلدىرەتىن بولار...
باۋىرجان ومارۇلى
