فوتو: gov.kz
اتىراۋ وبلىسى جىلىوي اۋدانىندا 27 شەتەل ازاماتى ەل اۋماعىنان شىعارىلدى. ولار تەڭىز قالاشاعىندا زاڭسىز جۇمىس ىستەپ جۇرگەن. بۇل تۋرالى ىشكى ىستەر مينيسترلىگىنىڭ كوشى-قون كوميتەتى مالىمدەدى، دەپ حابارلايدى "ادىرنا".
ء«ىس-شارا بارىسىندا قازاقستان رەسپۋبليكاسىنىڭ اۋماعىندا بولۋ ءتارتىبىن بۇزعان 27 شەتەل ازاماتى ەل اۋماعىنان تىسقارى شىعارىلدى. ولارعا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 517-بابى 5-بولىگىنە سايكەس اكىمشىلىك حاتتامالار تولتىرىلىپ، ماتەريالدار جىلىوي اۋداندىق سوتىنا جولداندى»، – دەپ جازىلعان ۆەدومستۆو تاراتقان حابارلامادا.
كوميتەت ماماندارى كوشى-قون زاڭناماسىنىڭ ساقتالۋىن قامتاماسىز ەتۋ ماقساتىندا شەتەل ازاماتتارى مەن ولاردى قابىلداۋشى تۇلعالار اراسىندا ءتۇسىندىرۋ-پروفيلاكتيكالىق جۇمىستار دا جۇرگىزگەن.
