(Reseılik sýretshi Gúlzıpa Qazıevanyń shyǵarmashylyǵy haqynda)
Teńiz qoltyǵyna tyǵylyp alyp, alańsyz buıyǵyp jatqan Qaratereń aýylynan órgen óner tarlandary jetip artylady. Bizdiń klastyń ózinen ǵana ult rýhanııatyna olja salǵan bir kásibı kınoaktrısa, bir kásibı teatr akteri shyqty. Al sabaq ústinde terezeden alys kókjıekke kóz tastap qoıyp, shartarapty oısha sharlap, aldyndaǵy aq qaǵazdy damylsyz syzǵylap otyratyn armanshyl qyz aqyry tanymal qylqalam sheberine aınaldy.
Kóp jyldyń júzi boldy, meniń klastasym, talantty sýretshi Gúlzıpa Qazıeva (Jeksembıeva) Reseıde turady. Sol eldegi qazaqtardyń muń-muqtajyn barsha jurtqa beıneleý óneriniń tilimen jetkizedi. Jas órenderdi qylqalam ustaýǵa baýlıdy. Talaı ret jeke kórmesin ótkizip, birneshe júldege ıe bolǵan maıtalman maman. Alaıda, kóńiliniń tórindegi turlaýly taqyryby – Aral taǵdyry. Óziniń bala kezindegi kók teńizdiń kelbetin qaıta-qaıta bederlep, júregine jazýdan jalyqqan emes. Ol osy arqyly aıdyndy Araldyń kemerine qaıta tolǵanyn ańsaıtyn shyǵar.
Sodan soń sirá, ańsarly da astarly oıyn boıaýdyń tilimen bildiretin bolar...
Baýyrjan OMARULY
