كاسپي تەڭىزىنىڭ جاعالاۋىندا 25 ءولى يتبالىق ۇشاسى مەن 33 دانا بەكىرە تۇقىمداس بالىقتاردى تاپتى، دەپ حابارلايدى "ادىرنا" ءتىلشىسى.
بۇل اقپاراتتى ەكولوگيا جانە تابيعي رەسۋرستار مينيسترلىگىنىڭ بالىق شارۋاشىلىعى كوميتەتى Facebook پاراقشاسىندا حابارلاعان.
كوميتەتتىڭ مالىمەتىنشە، 15 قازاندا ساعات 10:40-تا جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ ماڭعىستاۋ وبلىسى بويىنشا بالىق ينسپەكتسياسى باسقارماسى قىزمەتكەرلەرى كاسپي تەڭىزىنىڭ جاعالاۋىنا مونيتورينگ جۇرگىزۋ بارىسىندا تۇپقاراعان اۋدانى باۋتينو اۋىلىنىڭ جانىنان 25 ءولى يتبالىق پەن 33 بەكىرە تۇقىمداس بالىعىن تاپقان.
تابىلعان تەڭىز بالىقتارىنىڭ ولەكسەلەرى ءار ءتۇرلى دارەجەدە ىدىراعان، بۇل ولاردىڭ ءار ۋاقىتتا اۋلانعانىن كورسەتەدى.
قازىر سيرەك كەزدەسەتىن جانە قۇرىپ كەتۋ قاۋپى تونگەن جانۋارلار تۇرلەرىنىڭ جويىلۋ دەرەگى بويىنشا قىلمىستىق ءىس قوزعالدى.