Kaspıı teńiziniń jaǵalaýynda 25 óli ıtbalyq ushasy men 33 dana bekire tuqymdas balyqtardy tapty, dep habarlaıdy "Adyrna" tilshisi.
Bul aqparatty Ekologııa jáne tabıǵı resýrstar mınıstrliginiń Balyq sharýashylyǵy komıteti Facebook paraqshasynda habarlaǵan.
Komıtettiń málimetinshe, 15 qazanda saǵat 10:40-ta Jaıyq-Kaspıı oblysaralyq basseındik balyq sharýashylyǵy ınspekııasynyń Mańǵystaý oblysy boıynsha balyq ınspekııasy basqarmasy qyzmetkerleri Kaspıı teńiziniń jaǵalaýyna monıtorıng júrgizý barysynda Túpqaraǵan aýdany Baýtıno aýylynyń janynan 25 óli ıtbalyq pen 33 bekire tuqymdas balyǵyn tapqan.
Tabylǵan teńiz balyqtarynyń ólekseleri ár túrli dárejede ydyraǵan, bul olardyń ár ýaqytta aýlanǵanyn kórsetedi.
Qazir sırek kezdesetin jáne quryp ketý qaýpi tóngen janýarlar túrleriniń joıylý deregi boıynsha qylmystyq is qozǵaldy.
