ەلىمىزدىڭ مينيسترلەرى قايدا وقىعان؟

15236
Adyrna.kz Telegram

جاقىندا عانا ۇكىمەتتىڭ جاڭا قۇرامى بەلگىلى بولدى. وسىعان وراي «ادىرنا» ءتىلشىسى بيلىك باسىندا وتىرعان شەندىلەردىڭ قاي جوعارى وقۋ ورىندارىندا ءبىلىم العاندىعى تۋرالى ماتەريال دايىندادى.

اسقار مامين – قر پرەمەر-ءمينيسترى

 1965 جىلى تسەلينوگراد قالاسىندا دۇنيە ەسىگىن اشقان. 1987 جىلى تسەلينوگراد ينجەنەر قۇرىلىسى ينستيتۋتىن، 2003 جىلى گ. ۆ. پلەحانوۆ اتىنداعى رەسەي ەكونوميكالىق اكادەمياسىن ينجەنەر-قۇرىلىسشى، ەكونوميست ماماندىعى بويىنشا تامامداعان. ەڭبەك جولىن «تسەلينتياجستروي» ترەسىندە مونتاجداۋشى بولىپ باستادى.

ءاليحان سمايىلوۆ – قر پرەمەر-ءمينيسترىنىڭ ءبىرىنشى ورىنباسارى

1972 جىلى الماتىدا تۋعان. 1994 جىلى ءال-فارابي اتىنداعى قازاق  ۇلتتىق ۋنيۆەرسيتەتىن «قولدانبالى ماتەماتيكا» ماماندىعى بويىنشا بىتىرگەن. 1996 جىلى قازاقستان رەسپۋبليكاسى پرەزيدەنتى جانىنداعى قازاق مەنەدجمەنت، ەكونوميكا جانە بولجاۋ ينستيتۋتىن تامامداپ، مەملەكەتتىك باسقارۋ ماگيسترى دارەجەسىن العان. مانسابىن «ا-ينۆەست» ينۆەستيتسيالىق-جەكەشەلەندىرۋ قورىنىڭ باس مامانى بولىپ باستاعان.

رومان سكليار — قر پرەمەر-ءمينيسترىنىڭ ورىنباسارى

1971 جىلى پاۆلودار قالاسىندا ومىرگە كەلگەن. ماسكەۋ قازىرگى زاماندىق بيزنەس ينستيتۋتىنىڭ «قارجى جانە نەسيە» فاكۋلتەتىندە ەكونوميست ماماندىعى بويىنشا; قازاق قۇقىقتانۋ جانە حالىقارالىق قاتىناستار ينستيتۋتىندا زاڭ عىلىمدارىنىڭ باكالاۆرى ماماندىعى بويىنشا ءبىلىم العان. ەڭبەك جولىن «ەكىباستۇز- كومىراۆتوماتيكا» مونتاجدىق جوندەۋ باسقارماسىنىڭ مونتاجشى سلەسارى بولىپ باستاعان.

ەرالى توعجانوۆ – قر پرەمەر- ءمينيسترىنىڭ ورىنباسارى

1963 جىلى باتىس قازاقستان وبلىسىندا تۋعان. قاراعاندى مەملەكەتتىك ۋنيۆەرسيتەتىنىڭ زاڭ فاكۋلتەتىن «قۇقىقتانۋ» ماماندىعى بويىنشا بىتىرگەن.  1991 جىلى قر عا مەملەكەت جانە قۇقىق ينستيتۋتىنىڭ اسپيرانتى اتاندى. قىزمەتىن وكتيابر ورمان شارۋاشىلىعىنىڭ جۇمىسشىسى رەتىندە باستاعان.

عالىمجان قويشىباەۆ — پرەمەر-مينيستر كەڭسەسىنىڭ باسشىسى

1968 جىلى قىزىلوردا قالاسىندا دۇنيەگە كەلگەن. 1991 جىلى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتەتىن ءتامامداپ، فيلوسوفيا فاكۋلتەتىنىڭ اسپيرانتى اتانادى. وقۋ بىتىرگەننەن سوڭ ەلگە ورالىپ، قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ اتتاشەسى، ءۇشىنشى حاتشىسى قىزمەتىن اتقاردى.

تىلەۋبەردى مۇحتار – قر پرەمەر-ءمينيسترىنىڭ ورىنباسارى،  سىرتقى ىستەر ءمينيسترى

1968 جىلى وڭتۇستىك قازاقستان وبلىسىندا دۇنيەگە كەلگەن. س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلوسوفيا-ەكونوميكا فاكۋلتەتىن بىتىرگەن. م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى جانىنداعى ازيا جانە افريكا ينستيتۋتىندا جانە يەنسە ۋنيۆەرسيتەتى (كورەي رەسپۋبليكاسى) جانىنداعى تىلدەر ينستيتۋتىندا تاجىريبە العان.  ۋنيۆەرسيتەتتى بىتىرگەننەن كەيىن ءال-فارابي اتىنداعى قازۇۋ-ءدىڭ فيلوسوفيا تاريحى جانە قىتاي فيلولوگياسى كافەدرالارىندا جۇمىس ىستەگەن.

نۇرلان ەرمەكباەۆ –  قورعانىس ءمينيسترى

1963 جىلى تۇركىستان وبلىسىندا دۇنيەگە كەلگەن. 1986 جىلى كسرو قورعانىس مينيسترلىگىنىڭ اسكەري قىزىل تۋ ينستيتۋتىن قىتاي جانە اعىلشىن تىلدەرىن مەڭگەرگەن وفيتسەر ماماندىعى بويىنشا ۇزدىك بىتىرگەن. 1996 جىلى قازاق ساۋلەت جانە قۇرىلىس اكادەمياسىن ينجەنەر-ەكونوميست ماماندىعى بويىنشا تامامداعان. ءتۇرلى جىلدارى كوممەرتسيالىق كاسىپورىنداردا، سىرتقى ىستەر مينيسترلىگى قۇرىلىمىندا، قر پرەزيدەنتىنىڭ اكىمشىلىگىندە قىزمەت ەتكەن.

ەرلان تۇرعىنباەۆ - ىشكى ىستەر ءمينيسترى

1962 جىلى الماتى قالاسىندا دۇنيەگە كەلگەن. 1984 جىلى ءال-فارابي اتىنداعى قازاق ۇلتتىق ۋنيۆەرسيتەتىندە زاڭگەر ماماندىعى بويىنشا ءبىلىم العان. كەيىن قارجى جانە نەسيە فاكۋلتەتىن ەكونوميست ماماندىعى بويىنشا ءبىتىردى. مانسابىن قاراعاندى وبلىستىق ءىىب ساران اۋدانى ءىىب قىلمىستىق ىزدەستىرۋ بولىمشەسىنىڭ جەدەل وكىلى بولىپ باستاعان.

ايدا بالاەۆا — اقپارات جانە قوعامدىق دامۋ ءمينيسترى

1974 جىلى الماتى وبلىسىندا ومىرگە كەلگەن. 2000 جىلى اباي اتىنداعى الماتى مەملەكەتتىك ۋنيۆەرسيتەتىن «ورىس ءتىلى مەن ادەبيەتىنىڭ مۇعالىمى» ماماندىعى بويىنشا بىتىرگەن. 2007 جىلى قازاق ۇلتتىق اگرارلىق ۋنيۆەرسيتەتىن «قۇقىقتانۋ» ماماندىعى بويىنشا اياقتاعان. قىزمەتىن قازاقستان رەسپۋبليكاسى اقپارات جانە قوعامدىق كەلىسىم مينيسترلىگىنىڭ الماتى وبلىستىق اقپارات جانە قوعامدىق كەلىسىم باسقارماسىنىڭ قوعامدىق-ساياسي پروتسەستەردى تالداۋ جانە ۇيلەستىرۋ ءبولىمىنىڭ جەتەكشى مامانى بولىپ باستاعان.

اسەت ەرعاليەۆ – ۇلتتىق ەكونوميكا ءمينيسترى

1986 جىلى  قوستاناي قالاسىندا دۇنيەگە كەلگەن. قازاقستان مەنەدجمەنت، ەكونوميكا جانە بولجامداۋ ينستيتۋتىن، سونداي-اق يورك ۋنيۆەرسيتەتىن تامامداعان، ەكونوميكا عىلىمدارىنىڭ ماگيسترى دارەجەسى بار. ەڭبەك جولىن 2013 جىلى «ەكونوميكالىق زەرتتەۋلەر ينستيتۋتى» اق كاسىپكەرلىكتى دامىتۋ ورتالىعىنىڭ ديرەكتورى بولىپ باستادى.

ساپارحان وماروۆ – اۋىل شارۋاشىلىعى ءمينيسترى

1968 جىلى وڭتۇستىك قازاقستان وبلىسىندا دۇنيەگە كەلگەن.  گ.ۆ. پلەحانوۆ اتىنداعى رەسەي ەكونوميكالىق اكادەمياسىندا ەكونوميكا جانە الەۋمەتتىك جوسپارلاۋ ماماندىعى بويىنشا،  قازاق مەملەكەتتىك زاڭ ۋنيۆەرسيتەتىندە قۇقىقتانۋ ماماندىعى بويىنشا وقىعان. مانسابىن 1985 جىلى تۇركىستان قۇرىلىس جانە جول ماشينالارىن جوندەۋ زاۋىتىندا جۇمىسشى بولىپ باستادى.

مارات بەكەتاەۆ – ادىلەت ءمينيسترى

1977 جىلى وڭتۇستىك قازاقستان وبلىسىندا دۇنيەگە كەلگەن. 1998 جىلى قازاق مەملەكەتتىك زاڭ ۋنيۆەرسيتەتىن، 2000 جىلى لوندون ەكونوميكا جانە ساسياي عىلىمدار مەكتەبىن تامامداعان. ەڭبەك جولىن 2001 جىلى «قر ءسىم ديپلوماتيالىق وكىلدىكتەرمەن جۇمىس دەپارتامەنتى» رمك ۇيىمدىق - حاتتامالىق ءبولىمىنىڭ اقپاراتتى وڭدەۋ سەكتورىنىڭ مەڭگەرۋشىسى بولىپ باستادى.

اسحات ايماعامبەتوۆ – ءبىلىم جانە عىلىم ءمينيسترى

1982 جىلى قاراعاندى وبلىسىندا دۇنيەگە كەلگەن. 2003 جىلى ە. بوكەتوۆ اتىنداعى قارمۋ تاريح فاكۋلتەتىن «تاريحشى، تاريح مۇعالىمى» بىلىكتىلىگى بويىنشا، 2006 جىلى قاراعاندى «بولاشاق» اكتۋالدى ءبىلىم بەرۋ ينستيتۋتىنىڭ زاڭ فاكۋلتەتىن «قۇقىقتانۋ» ماماندىعى بويىنشا اياقتاعان. ەڭبەك جولىن 2002 جىلى ە. بوكەتوۆ اتىنداعى قارمۋ-دەن باستادى.

الەكسەي تسوي – دەنساۋلىق ساقتاۋ ءمينيسترى

1977 جىلى وڭتۇستىك قازاقستان وبلىسىندا دۇنيەگە كەلگەن. Sells College (لوندون), قازاقستان مەملەكەتتىك مەديتسينا اكادەمياسىنىڭ اسپيرانتۋراسىن، وڭتۇستىك قازاقستان مەملەكەتتىك مەديتسينا اكادەمياسىن، "دانەكەر" حالىقارالىق قۇقىق جانە حالىقارالىق بيزنەس ينستيتۋتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ كورپوراتيۆتىك باسقارۋ جوعارى مەكتەبىن تامامداعان. 1998-2001 جىلدارى «اسپان شىمكەنت» جشس باس بۋحگالتەرى، كوممەرتسيالىق ديرەكتورى بولىپ قىزمەت ەتكەن.

سەرىك شاپكەنوۆ – ەڭبەك جانە حالىقتى الەۋمەتتىك قورعاۋ ءمينيسترى

1979 جىلى باتىس قازاقستان وبلىسىندا دۇنيەگە كەلگەن. م. وتەمىسوۆ اتىنداعى باتىس قازاقستان ۋنيۆەرسيتەتىن جوعارعى كاسىبي ءبىلىمدى ەكونوميست-ماتەماتيك ماماندىعى بويىنشا تامامداعان. مانسابىن باتىس قازاقستان مەملەكەتتىك ۋنيۆەرسيتەتىندە وقىتۋشى رەتىندە باستادى.

بەيبىت اتامقۇلوۆ – يندۋستريا جانە ينفراقۇرىلىمدىق دامۋ ءمينيسترى

1964 جىلى الماتى وبلىسىندا دۇنيەگە كەلگەن. ۆ.ي. لەنين اتىنداعى قازاق پوليتەحنيكالىق ينستيتۋتى مەن سانكت-پەتەربۋرگ قالاسىنداعى ەكونوميكا جانە قارجى مەملەكەتتىك ۋنيۆەرسيتەتىندە وقىعان. ەڭبەك جولىن 1985 جىلى ا.پ. زاۆەنياگين اتىنداعى نوريلسك تاۋ-كەن مەتاللۋرگيا كومبيناتىنىڭ جەز بالقىتۋ زاۋىتىندا بالقىتۋشى رەتىندە باستادى.

ەرۇلان جاماۋباەۆ – قارجى ءمينيسترى

1974 جىلى الماتى وبلىسىندا تۋعان. 1995 جىلى قازاق مەملەكەتتىك باسقارۋ اكادەمياسىن، «قارجى جانە كرەديت»، 2009 جىلى قازاق ەكونوميكالىق ۋنيۆەرسيتەتىن بىتىرگەن. مانسابىن قازاق مەملەكەتتىك باسقارۋ اكادەمياسىنىڭ وقىتۋشىسى بولىپ باستادى.

اقتوتى رايىمقۇلوۆا – مادەنيەت جانە سپورت ءمينيسترى

1964 جىلى الماتى قالاسىندا تۋعان. قۇرمانعازى اتىنداعى الماتى مەملەكەتتىك كونسەرۆاتورياسىنىڭ "كومپوزيتسيا" جانە "فورتەپيانو" ماماندىقتارىن، "كومپوزيتسيا" ماماندىعىنىڭ اسيستەنتۋراسىن ءبىتىردى. حالىقارالىق بيزنەس اكادەمياسىنىڭ "مەنەدجمەنت" ماماندىعىنىڭ ماگيستراتۋراسىن تامامداعان. ەڭبەك جولىن وقىتۋشى رەتىندە باستادى.

باقىت سۇلتانوۆ – قر ساۋدا جانە ينتەگراتسيا ءمينيسترى

1971 جىلى الماتىدا دۇنيەگە كەلگەن. 1994 جىلى قازاق ۇلتتىق تەحنيكالىق ۋنيۆەرسيتەتىن ينجەنەر-ەلەكتريك ماماندىعى بويىنشا، ال 1995 جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا ءتامامدادى. ەڭبەك جولىن 1994 جىلى قر قارجى مينيسترلىگىندە قارجى نارىعىنىڭ قۇندى قاعازدارى باسقارماسى اكتسيونەرلەۋ جانە ليتسەنزيالاۋ ءبولىمىنىڭ جەتەكشى ەكونوميسى بولىپ باستادى.

يۋري يلين – توتەنشە جاعدايلار ءمينيسترى

1968 جىلعى رەسەيدىڭ كۋيبىشەۆ قالاسىندا تۋعان. 1989 جىلى الماتىداعى ي.س.كونەۆ اتىنداعى جوعارى قارۋلى كوماندالىق ۋچيليششەسىن "شىنجىرلى جانە دوڭعالاقتى كولىك قۇرالدارىن پايدالانۋ ينجەنەرى" ماماندىعى بويىنشا ءبىتىردى، 2006 جىلى - قىرعىز مەملەكەتتىك زاڭ اكادەمياسىن بىتىرگەن. ەڭبەك جولىن ۋكراينانىڭ سۋمسك وبلىسىنىڭ 390 ازاماتتىق قورعانىس كۋرسىنىڭ وقىتۋشىسى بولىپ باستاعان.

باعدات مۋسين – تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى

1983 جىلى پاۆلودار وبلىسىندا دۇنيەگە كەلگەن. سۇلەيمەن دەميرەل اتىنداعى ۋنيۆەرسيتەتتى جانە قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن. ەڭبەك جولىن ينجەنەر-باعدارلاماشى بولىپ باستادى.

ماعزۇم مىرزاعاليەۆ – ەكولوگيا، گەولوگيا جانە تابيعي رەسۋرستار ءمينيسترى

1978 جىلى الماتىدا دۇنيەگە كەلگەن.  1999 جىلى «تۇران» ۋنيۆەرسيتەتىن ەكونوميست ماماندىعى بويىنشا، 2003 جىلى سىرتقى ىستەر مينيسترلىگىنىڭ ديپلوماتيالىق اكادەمياسىن حالىقارالىق قاتىناستار ەكونوميستى ماماندىعى بويىنشا تامامداعان. مانسابىن اقمولا وبلىستىق ورمان باسقارماسىنىڭ قارجى جانە ەكونوميكالىق تالداۋ ءبولىمىنىڭ باس مامانى رەتىندە باستادى.

نۇرلان نوعاەۆ – ەنەرگەتيكا ءمينيسترى

1967 جىلى اقتوبە وبلىسىندا تۋعان.  ي.گۋبكين اتىنداعى ماسكەۋ مەملەكەتتىك مۇناي جانە گاز اكادەمياسى، قازاق مەملەكەتتىك باسقارۋ اكادەمياسى، رەسەي سىرتقى ىستەر مينيسترلىگى جانىنداعى "حالىقارالىق قاتىناستار ۋنيۆەرسيتەتى" ماسكەۋ مەملەكەتتىك ينستيتۋتىن، تاۋ-كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان. ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستادى.

«ادىرنا» ۇلتتىق پورتالى

پىكىرلەر