Jaqynda ǧana Ükımettıŋ jaŋa qūramy belgılı boldy. Osyǧan orai «Adyrna» tılşısı bilık basynda otyrǧan şendılerdıŋ qai joǧary oqu oryndarynda bılım alǧandyǧy turaly material daiyndady.
Asqar Mamin – QR Premer-Ministrı
1965 jyly Selinograd qalasynda dünie esıgın aşqan. 1987 jyly Selinograd injener qūrylysy institutyn, 2003 jyly G. V. Plehanov atyndaǧy Resei ekonomikalyq akademiiasyn injener-qūrylysşy, ekonomist mamandyǧy boiynşa tämamdaǧan. Eŋbek jolyn «Selintiajstroi» tresınde montajdauşy bolyp bastady.Älihan Smaiylov – QR Premer-Ministrınıŋ bırınşı orynbasary
1972 jyly Almatyda tuǧan. 1994 jyly äl-Farabi atyndaǧy Qazaq ūlttyq universitetın «qoldanbaly matematika» mamandyǧy boiynşa bıtırgen. 1996 jyly Qazaqstan Respublikasy Prezidentı janyndaǧy Qazaq menedjment, ekonomika jäne boljau institutyn tamamdap, memlekettık basqaru magistrı därejesın alǧan. Mansabyn «A-İnvest» investisiialyq-jekeşelendıru qorynyŋ bas mamany bolyp bastaǧan.Roman Skliar — QR Premer-Ministrınıŋ orynbasary
1971 jyly Pavlodar qalasynda ömırge kelgen. Mäskeu qazırgı zamandyq biznes institutynyŋ «qarjy jäne nesie» fakultetınde ekonomist mamandyǧy boiynşa; Qazaq qūqyqtanu jäne halyqaralyq qatynastar institutynda zaŋ ǧylymdarynyŋ bakalavry mamandyǧy boiynşa bılım alǧan. Eŋbek jolyn «Ekıbastūz- kömıravtomatika» montajdyq jöndeu basqarmasynyŋ montajşy slesarı bolyp bastaǧan.Eraly Toǧjanov – QR Premer- Ministrınıŋ orynbasary
1963 jyly Batys Qazaqstan oblysynda tuǧan. Qaraǧandy memlekettık universitetınıŋ zaŋ fakultetın «qūqyqtanu» mamandyǧy boiynşa bıtırgen. 1991 jyly QR ǦA Memleket jäne qūqyq institutynyŋ aspiranty atandy. Qyzmetın Oktiabr orman şaruaşylyǧynyŋ jūmysşysy retınde bastaǧan.Ǧalymjan Qoişybaev — Premer-Ministr Keŋsesınıŋ basşysy
1968 jyly Qyzylorda qalasynda düniege kelgen. 1991 jyly M.V. Lomonosov atyndaǧy Mäskeu memlekettık universitetetın tämamdap, filosofiia fakultetınıŋ aspiranty atanady. Oqu bıtırgennen soŋ elge oralyp, Qazaqstan Respublikasynyŋ Resei Federasiiasyndaǧy Elşılıgınıŋ attaşesı, üşınşı hatşysy qyzmetın atqardy.Tıleuberdı Mūhtar – QR Premer-ministrınıŋ orynbasary, Syrtqy ıster ministrı
1968 jyly Oŋtüstık Qazaqstan oblysynda düniege kelgen. S.M. Kirov atyndaǧy Qazaq memlekettık universitetınıŋ filosofiia-ekonomika fakultetın bıtırgen. M.V.Lomonosov atyndaǧy Mäskeu memlekettık universitetı janyndaǧy Aziia jäne Afrika institutynda jäne Iense Universitetı (Korei Respublikasy) janyndaǧy Tılder institutynda täjıribe alǧan. Universitettı bıtırgennen keiın äl-Farabi atyndaǧy QazŪU-dıŋ filosofiia tarihy jäne qytai filologiiasy kafedralarynda jūmys ıstegen.Nūrlan Ermekbaev – Qorǧanys ministrı
1963 jyly Türkıstan oblysynda düniege kelgen. 1986 jyly KSRO Qorǧanys ministrlıgınıŋ Äskeri Qyzyl tu institutyn qytai jäne aǧylşyn tılderın meŋgergen ofiser mamandyǧy boiynşa üzdık bıtırgen. 1996 jyly Qazaq säulet jäne qūrylys akademiiasyn injener-ekonomist mamandyǧy boiynşa tämamdaǧan. Türlı jyldary kommersiialyq käsıporyndarda, Syrtqy ıster ministrlıgı qūrylymynda, QR Prezidentınıŋ Äkımşılıgınde qyzmet etken.Erlan Tūrǧynbaev - Işkı ıster ministrı
1962 jyly Almaty qalasynda düniege kelgen. 1984 jyly äl-Farabi atyndaǧy Qazaq ūlttyq universitetınde zaŋger mamandyǧy boiynşa bılım alǧan. Keiın qarjy jäne nesie fakultetın ekonomist mamandyǧy boiynşa bıtırdı. Mansabyn Qaraǧandy oblystyq IIB Saran audany IIB qylmystyq ızdestıru bölımşesınıŋ jedel ökılı bolyp bastaǧan.Aida Balaeva — Aqparat jäne qoǧamdyq damu ministrı
1974 jyly Almaty oblysynda ömırge kelgen. 2000 jyly Abai atyndaǧy Almaty memlekettık universitetın «orys tılı men ädebietınıŋ mūǧalımı» mamandyǧy boiynşa bıtırgen. 2007 jyly Qazaq ūlttyq agrarlyq universitetın «qūqyqtanu» mamandyǧy boiynşa aiaqtaǧan. Qyzmetın Qazaqstan Respublikasy Aqparat jäne qoǧamdyq kelısım ministrlıgınıŋ Almaty oblystyq aqparat jäne qoǧamdyq kelısım basqarmasynyŋ qoǧamdyq-saiasi prosesterdı taldau jäne üilestıru bölımınıŋ jetekşı mamany bolyp bastaǧan.Äset Erǧaliev – Ūlttyq ekonomika ministrı
1986 jyly Qostanai qalasynda düniege kelgen. Qazaqstan menedjment, ekonomika jäne boljamdau institutyn, sondai-aq Iork universitetın tämamdaǧan, ekonomika ǧylymdarynyŋ magistrı därejesı bar. Eŋbek jolyn 2013 jyly «Ekonomikalyq zertteuler instituty» AQ Käsıpkerlıktı damytu ortalyǧynyŋ direktory bolyp bastady.Saparhan Omarov – Auyl şaruaşylyǧy ministrı
1968 jyly Oŋtüstık Qazaqstan oblysynda düniege kelgen. G.V. Plehanov atyndaǧy Resei ekonomikalyq akademiiasynda ekonomika jäne äleumettık josparlau mamandyǧy boiynşa, Qazaq memlekettık zaŋ universitetınde qūqyqtanu mamandyǧy boiynşa oqyǧan. Mansabyn 1985 jyly Türkıstan qūrylys jäne jol maşinalaryn jöndeu zauytynda jūmysşy bolyp bastady.Marat Beketaev – Ädılet ministrı
1977 jyly Oŋtüstık Qazaqstan oblysynda düniege kelgen. 1998 jyly Qazaq memlekettık zaŋ universitetın, 2000 jyly London ekonomika jäne sasiai ǧylymdar mektebın tamamdaǧan. Eŋbek jolyn 2001 jyly «QR SIM diplomatiialyq ökıldıktermen jūmys departamentı» RMK ūiymdyq - hattamalyq bölımınıŋ aqparatty öŋdeu sektorynyŋ meŋgeruşısı bolyp bastady.Ashat Aimaǧambetov – Bılım jäne ǧylym ministrı
1982 jyly Qaraǧandy oblysynda düniege kelgen. 2003 jyly E. Böketov atyndaǧy QarMU tarih fakultetın «tarihşy, tarih mūǧalımı» bılıktılıgı boiynşa, 2006 jyly Qaraǧandy «Bolaşaq» aktualdy bılım beru institutynyŋ zaŋ fakultetın «qūqyqtanu» mamandyǧy boiynşa aiaqtaǧan. Eŋbek jolyn 2002 jyly E. Böketov atyndaǧy QarMU-den bastady.Aleksei Soi – Densaulyq saqtau ministrı
1977 jyly Oŋtüstık Qazaqstan oblysynda düniege kelgen. Sells College (London), Qazaqstan memlekettık medisina akademiiasynyŋ aspiranturasyn, Oŋtüstık Qazaqstan memlekettık medisina akademiiasyn, "Däneker" halyqaralyq qūqyq jäne halyqaralyq biznes institutyn, RF prezidentı janyndaǧy Resei halyq şaruaşylyǧy jäne memlekettık qyzmet akademiiasynyŋ korporativtık basqaru joǧary mektebın tämamdaǧan. 1998-2001 jyldary «Aspan Şymkent» JŞS bas buhgalterı, kommersiialyq direktory bolyp qyzmet etken.Serık Şapkenov – Eŋbek jäne halyqty äleumettık qorǧau ministrı
1979 jyly Batys Qazaqstan oblysynda düniege kelgen. M. Ötemısov atyndaǧy Batys Qazaqstan universitetın joǧarǧy käsıbi bılımdı ekonomist-matematik mamandyǧy boiynşa tämamdaǧan. Mansabyn Batys Qazaqstan memlekettık universitetınde oqytuşy retınde bastady.Beibıt Atamqūlov – İndustriia jäne infraqūrylymdyq damu ministrı
1964 jyly Almaty oblysynda düniege kelgen. V.İ. Lenin atyndaǧy Qazaq politehnikalyq instituty men Sankt-Peterburg qalasyndaǧy ekonomika jäne qarjy memlekettık universitetınde oqyǧan. Eŋbek jolyn 1985 jyly A.P. Zaveniagin atyndaǧy Norilsk tau-ken metallurgiia kombinatynyŋ jez balqytu zauytynda balqytuşy retınde bastady.Erūlan Jamaubaev – Qarjy ministrı
1974 jyly Almaty oblysynda tuǧan. 1995 jyly Qazaq memlekettık basqaru akademiiasyn, «Qarjy jäne kredit», 2009 jyly Qazaq ekonomikalyq universitetın bıtırgen. Mansabyn Qazaq memlekettık basqaru akademiiasynyŋ oqytuşysy bolyp bastady.Aqtoty Raiymqūlova – Mädeniet jäne sport ministrı
1964 jyly Almaty qalasynda tuǧan. Qūrmanǧazy atyndaǧy Almaty memlekettık konservatoriiasynyŋ "kompozisiia" jäne "fortepiano" mamandyqtaryn, "kompozisiia" mamandyǧynyŋ asistenturasyn bıtırdı. Halyqaralyq Biznes akademiiasynyŋ "Menedjment" mamandyǧynyŋ magistraturasyn tämamdaǧan. Eŋbek jolyn oqytuşy retınde bastady.Baqyt Sūltanov – QR Sauda jäne integrasiia ministrı
1971 jyly Almatyda düniege kelgen. 1994 jyly Qazaq ūlttyq tehnikalyq universitetın injener-elektrik mamandyǧy boiynşa, al 1995 jyly Qazaq memlekettık basqaru akademiiasyn ekonomist mamandyǧy boiynşa tämamdady. Eŋbek jolyn 1994 jyly QR Qarjy ministrlıgınde qarjy naryǧynyŋ qūndy qaǧazdary basqarmasy aksionerleu jäne lisenziialau bölımınıŋ jetekşı ekonomisı bolyp bastady.Iýrii İlin – Tötenşe jaǧdailar ministrı
1968 jylǧy Reseidıŋ Kuibyşev qalasynda tuǧan. 1989 jyly Almatydaǧy İ.S.Konev atyndaǧy Joǧary qaruly komandalyq uchilişesın "Şynjyrly jäne doŋǧalaqty kölık qūraldaryn paidalanu injenerı" mamandyǧy boiynşa bıtırdı, 2006 jyly - Qyrǧyz memlekettık zaŋ akademiiasyn bıtırgen. Eŋbek jolyn Ukrainanyŋ Sumsk oblysynyŋ 390 azamattyq qorǧanys kursynyŋ oqytuşysy bolyp bastaǧan.Baǧdat Musin – Sifrlyq damu, innovasiialar jäne aeroǧaryş önerkäsıbı ministrı
1983 jyly Pavlodar oblysynda düniege kelgen. Süleimen Demirel atyndaǧy universitettı jäne Qazaq qūqyqtanu jäne halyqaralyq qatynastar institutyn bıtırgen. Eŋbek jolyn injener-baǧdarlamaşy bolyp bastady.Maǧzūm Myrzaǧaliev – Ekologiia, geologiia jäne tabiǧi resurstar ministrı
1978 jyly Almatyda düniege kelgen. 1999 jyly «Tūran» universitetın ekonomist mamandyǧy boiynşa, 2003 jyly Syrtqy ıster ministrlıgınıŋ Diplomatiialyq akademiiasyn halyqaralyq qatynastar ekonomistı mamandyǧy boiynşa tämamdaǧan. Mansabyn Aqmola oblystyq orman basqarmasynyŋ qarjy jäne ekonomikalyq taldau bölımınıŋ bas mamany retınde bastady.Nūrlan Noǧaev – Energetika ministrı
1967 jyly Aqtöbe oblysynda tuǧan. İ.Gubkin atyndaǧy Mäskeu memlekettık mūnai jäne gaz akademiiasy, Qazaq memlekettık basqaru akademiiasy, Resei Syrtqy ıster ministrlıgı janyndaǧy "Halyqaralyq qatynastar universitetı" Mäskeu memlekettık institutyn, tau-ken injenerı, ekonomist, halyqaralyq qatynastar mamany, äkımşılık ıskerlık jönındegı şeber mamandyqtary boiynşa bıtırıp şyqqan. Eŋbek jolyn Aqtöbe oblysy, Qandyaǧaş stansiiasynda elektr şeberı bolyp bastady.«Adyrna» ūlttyq portaly
