رەسەي پرەمەر-ليگاسىنا اۋىسىپ جاتقان قازاقستاندىق فۋتبولشىلاردىڭ قاتارى كوبەيىپ جاتىر دەپ حابارلايدى "ادىرنا" ۇلتتىق پورتالى Baq.kz اگەنتتىگىنە سىلتەمە جاساپ.
مىسالى، ەكاتەرينبۋرگتىڭ «ۋرال» كومانداسى ساپىندا ابات ايىمبەتوۆ پەن ماكسيم فەدين سىناقتان ءوتىپ جاتىر. ايىمبەتوۆ بىرىككەن اراب امىرلىكتەرىندە ءوتىپ جاتقان وقۋ-جاتتىعۋ كەزىندەگى جولداستىق ماتچتا ءبىر گول سوعىپ ۇلگەردى. ال فەدين ارىپتەسىنە ناتيجەلى پاس بەرگەن.
سونىمەن قاتار بىلتىر «قايسار» قاقپاسىن كۇزەتكەن الەكساندر زارۋتسكي تۋلانىڭ «ارسەنال» كومانداسىمەن تۇركياداعى جاتتىعۋ جيىنىندا ءجۇر. ەندى «استانا» قورعاۋشىسى يۋري لوگۆينەنكو ۆولگورودتىڭ «روتورىنا» اۋىسۋعا جاقىن. بۇل كلۋبقا بۇعان دەيىن دميتري شومكو مەن الەكسەي ششەتكين اۋىسقان ەدى.
رەسەيدە ويناپ جۇرگەندەردىڭ قاتارىندا باكتيەر زاينۋتدينوۆ (تسسكا), يسلامبەك قۋات («حيمكي»، اقمال باقتياروۆ «سوچي») بار.
