ۇلتتىق بىرىڭعاي تەستىلەۋ تولىعىمەن ەلەكتروندى فورماتقا كوشىرىلەدى. بۇل تۋرالى ۇكىمەتتىڭ كەڭەيتىلگەن وتىرىسىندا پرەمەر-مينيستر اسقار مامين ايتتى، دەپ حابارلايدى «ادىرنا» ۇلتتىق پورتالى قازاقپارات تىلشىسىنە سىلتەمە جاساپ.
وڭىرلەردەگى جوو ساپاسىن ارتتىرۋ ءۇشىن 20 اكادەميالىق ورتالىق قۇرىلادى «ۇكىمەت باسەكەگە قابىلەتتى ادامي كاپيتالدى دامىتۋ بويىنشا جۇمىس ىستەيدى. ونى حالىقارالىق تاجىريبە نەگىزىندە بالالاردى ەرتە دامىتۋ جونىندەگى ۇلتتىق جوسپارعا ەنگىزەدى. مەكتەپكە دەيىنگى ءبىلىم بەرۋدىڭ جاڭا مودەلىن ەنگىزۋ جانە قوسىمشا ءبىلىم بەرۋدى جان باسىنا قارجىلاندىرۋ ارقىلى 3-6 جاس ارالىعىنداعى بالالاردى بالاباقشامەن قامتۋدى 99 پايىزعا جەتكىزۋدى جوسپارلاپ وتىرمىز» - دەدى اسقار مامين. ونىڭ اتاپ وتۋىنشە، 400 جاڭا بالاباقشا اشىلادى. «مەملەكەتتىك-جەكەشەلىك سەرىكتەستىك اياسىندا 180 مەكتەپ سالۋ جوسپارلانعان. ۇلتتىق بىرىڭعاي تەستىلەۋ تولىعىمەن ەلەكتروندى فورماتقا كوشىرىلەدى»، - دەدى ۇكىمەت باسشىسى.
