الەۋمەتتىك جەلىدە ءوز سۇيكىمدى كەلبەتىمەن تانىمال ديماش ادىلەت اۋرۋحاناعا ءتۇسىپ قالدى، دەپ حابارلايدى "ادىرنا" ۇلتتىق پورتالى.
ءوز جازباسىندا:
«ءدال سول كەزدە مەن سالماعى 16 كەلى بولاتىن ءيتىمدى كوتەرىپ، تابالدىرىقتان ءتۇسىپ كەلە جاتتىم. ءيتىمنىڭ بۋىندارى ءالسىز بولعاندىقتان، وزدىگىنەن تۇسە المايتىن. قولىم بوس بولماعاندىقتان، قورشاۋدان ۇستاي المادىم. اياعىم تايىپ كەتىپ، وڭباي قۇلادىم. ورنىمنان تۇرا المادىم. جەدەل جاردەم كەلىپ، جىگىتتەر ومىرتقانىڭ تومەنگى بولىگى مەن قۇيمىشاق سىنعان بولۋى مۇمكىن ەكەنىن ايتتى.
سەگىز ساعات اۋرۋحانادا بولدىم. اۋرۋحانادا شەشىلمەگەن ماسەلە كوپ ەكەن. دەگەنمەن جاقسى قارادى. باقىتىما وراي، ومىرتقا مەن قۇيمىشاق امان ەكەن».
