شىمكەنت قالاسىنداعى جەكە ۇيلەردىڭ بىرىندە گاز جارىلىپ، سالدارىنان التى ادام زارداپ شەكتى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
قايعىلى وقيعا قۇرساي شاعىن اۋدانىندا بولعان. تابيعي گاز ۇيگە ءبىر كۇن بۇرىن عانا تارتىلعان ەكەن. سان جىلعى ازاپتان ارىلدىق پا دەگەن تۇرعىندارعا اڭداۋسىزدا اپات قۇربانىنا اينالا جازدادى. قازىر ءۇش ادام اۋرۋحانادا جاتىر. ەرلى-زايىپتىلاردى قاتتى كۇيىك شالعان. اۋرۋحانا توسەگىنە ولاردىڭ تۋىسى دا تاڭىلىپتى. ابىروي بولعاندا، بالالارى امان قالعان. ال ءۇي تولىعىمەن قيراپ قالعان. قازىر ماماندار ءۇيىندىنى تازالاپ جاتىر.
اۋدان اكىمدىگى زارداپ شەككەندەردى باسپانامەن قامتاماسىز ەتۋگە ۋادە بەرىپ وتىر. قازىر اپات بويىنشا تەرگەۋ باستالىپ، تەحنيكالىق ساراپتاما تاعايىندالدى.
« وزدەرىڭىز كورىپ وتىرسىزدار، وسى ءۇيدىڭ كولەمى 120 شارشى مەتردى قۇرايدى. وسى ءۇيدىڭ 30 شارشى مەترگە جۋىعى قازىرگى تاڭدا قيراعان. ءۇي جارامسىز جاعدايعا كەلگەن. قازىر ارنايى قازترانسگاز مەكەمەسى تەكسەرۋ جۇمىستارىن جۇرگىزىپ، قوسىمشا سەبەپتەرىن انىقتاپ ايتامىز»،-دەدى تجد باستىعىنىڭ م.ا. امانبەك بەيسەمباەۆ.
«ادىرنا» ۇلتتىق پورتالى
