اقسۋلىق ءورت ءسوندىرۋشى ارىپتەسىمەن بىرگە ءورت بولعان ۇيدەن شىعا الماي قالدى، دەپ حابارلادى پاۆلودار وبلىسى توتەنشە جاعدايلار دەپارتامەنتىنىڭ باسشىسى ەرنۇر وتەگەنوۆ.
- ءورت سوندىرۋشىلەر وقيعا ورنىنا جەتكەن كەزدە ۇيدە ادامدار بولۋى مۇمكىن ەكەنىن ءبىلدى. ولارعا ادامداردى قۇتقارۋ مىندەتى قويىلدى، - دەدى ەرنۇر وتەگەنوۆ.
قۋانىشقا وراي، عيماراتتا ادام بولعان جوق. الايدا سەرجانت ارىستانبەك ماشراپ پەن كىشى سەرجانت ەرمەك تۇرلىبەكوۆ وتقا ورانعان ۇيدەن شىعا الماي قالدى. كىرگەن ەسىككە كونستۋكتسيالار قۇلاعان.
بولىمشە كومانديرى ارىستانبەك ماشراپ ءوزىن جايسىز سەزىنىپ، ەسىنەن تانىپ قالدى. وزگە ءورت سوندىرۋشىلەر تەرەزەلەردى بۇزىپ، ەكى ارىپتەسىن جانىپ جاتقان ۇيدەن الىپ شىقتى. ولار اۋرۋحاناعا جەتكىزىلدى. الايدا بولىمشە كومانديرىن قۇتقارۋ مۇمكىن بولمادى.
دەپارتامەنت باسشىسىنىڭ سوزىنە سايكەس، قايتىس بولعان جىگىتتىڭ دەنساۋلىعى جاقسى بولعان. قۇرال-جابدىق تا جۇمىس ىستەپ تۇردى. الايدا تىنىس الۋ اپپاراتى بەلگىلى ءبىر ۋاقىت قانا جۇمىس ىستەيدى. سول ۋاقىت تاۋسىلىپ قالۋى مۇمكىن. سوندىقتان ءورت ءسوندىرۋشى گازعا ۋلاندى دەگەن بولجام جاسالىپ وتىر.
پاۆلودار وبلىسىندا ورتەنىپ جاتقان ۇيگە كەلگەن 24 جاستاعى قۇتقارۋشى كوز جۇمدى. ءتىلسىز جاۋدى ءسوندىرۋ كەزىندە 1997 جىلعى ارىستانبەك ماشراپتىڭ جاعدايى ناشارلاعان.قايعىلى وقيعا 25 اقپان كۇنى پاۆلودار وبلىسى اقسۋ قالاسىندا بولدى. ورت ساعات 10.16-دا وقشاۋلانىپ، 11.00-دە تولىعىمەن سوندىرىلگەن.
تاڭعى ساعات سەگىزدەر شاماسىندا ءتورت بولمەلى تۇرعىن ءۇيدىڭ ورتەنگەنى تۋرالى حابار تۇسكەن. ءتىلسىز جاۋ 80 شارشى مەتر اۋماقتى شارپىدى. سونداي-اق، №12 ءورت ءسوندىرۋ بەكەتى بولىمشەسىنىڭ كومانديرى، ازاماتتىق قورعاۋ كىشى سەرجانتى 26 جاستاعى ەرمەك تۇرلىبەكوۆ اقسۋ قالاسىنىڭ اۋرۋحاناسىنا جەتكىزىلىپ، كەيىن پاۆلودار قالاسىنىڭ اۋرۋحاناسىنا جاتقىزىلدى.
