Aqsýlyq órt sóndirýshi áriptesimen birge órt bolǵan úıden shyǵa almaı qaldy, dep habarlady Pavlodar oblysy tótenshe jaǵdaılar departamentiniń basshysy Ernur Ótegenov.
- Órt sóndirýshiler oqıǵa ornyna jetken kezde úıde adamdar bolýy múmkin ekenin bildi. Olarǵa adamdardy qutqarý mindeti qoıyldy, - dedi Ernur Ótegenov.
Qýanyshqa oraı, ǵımaratta adam bolǵan joq. Alaıda serjant Arystanbek Mashrap pen kishi serjant Ermek Turlybekov otqa oranǵan úıden shyǵa almaı qaldy. Kirgen esikke konstýkııalar qulaǵan.
Bólimshe komandıri Arystanbek Mashrap ózin jaısyz sezinip, esinen tanyp qaldy. Ózge órt sóndirýshiler terezelerdi buzyp, eki áriptesin janyp jatqan úıden alyp shyqty. Olar aýrýhanaǵa jetkizildi. Alaıda bólimshe komandırin qutqarý múmkin bolmady.
Departament basshysynyń sózine sáıkes, qaıtys bolǵan jigittiń densaýlyǵy jaqsy bolǵan. Qural-jabdyq ta jumys istep turdy. Alaıda tynys alý apparaty belgili bir ýaqyt qana jumys isteıdi. Sol ýaqyt taýsylyp qalýy múmkin. Sondyqtan órt sóndirýshi gazǵa ýlandy degen boljam jasalyp otyr.
Pavlodar oblysynda órtenip jatqan úıge kelgen 24 jastaǵy qutqarýshy kóz jumdy. Tilsiz jaýdy sóndirý kezinde 1997 jylǵy Arystanbek Mashraptyń jaǵdaıy nasharlaǵan.Qaıǵyly oqıǵa 25 aqpan kúni Pavlodar oblysy Aqsý qalasynda boldy. Órt saǵat 10.16-da oqshaýlanyp, 11.00-de tolyǵymen sóndirilgen.
Tańǵy saǵat segizder shamasynda tórt bólmeli turǵyn úıdiń órtengeni týraly habar túsken. Tilsiz jaý 80 sharshy metr aýmaqty sharpydy. Sondaı-aq, №12 órt sóndirý beketi bólimshesiniń komandıri, azamattyq qorǵaý kishi serjanty 26 jastaǵy Ermek Turlybekov Aqsý qalasynyń aýrýhanasyna jetkizilip, keıin Pavlodar qalasynyń aýrýhanasyna jatqyzyldy.
