25 اقپاندا شىمكەنتتەگى جالدامالى پاتەرلەردىڭ بىرىنەن ايەل ادامنىڭ ءمايىتى تابىلدى، دەپ حابارلايدى جەرگىلىكتى Otyrar.kzباسىلىمى.
قۇقىق قورعاۋ ورگانىنا 1991 جىلى تۋعان جىگىت 25 اقپان كۇنى ساعات 21:30 شاماسىندا پاتەردەگى ايەلدىڭ ءمايىتى تۋرالى حابارلاعان. مارقۇم شامامەن 35-40 جاستا.
"رەسمي ەمەس دەرەككە سۇيەنسەك، پوليتسيانى شاقىرعان ەر ادام پاتەردە مارقۇممەن بىرگە بولعان جانە ول ايەلدى بۋىندىرىپ ولتىرگەن بولۋى مۇمكىن", – دەلىنگەن اقپاراتتا.
قازىرگى كەزدە اتالعان فاكتى بويىنشا قىلمىستىق ءىس قوزعالدى. وقيعانىڭ بارلىق ءمان-جايىن انىقتاۋ ماقساتىندا تەرگەۋ امالدارى جۇرگىزىلۋدە.
