فينليانديا ۇكىمەتى كوروناۆيرۋسقا قاتىستى جاعدايدىڭ كۇرت وزگەرۋىنە بايلانىستى 8 ناۋرىزدان باستاپ ءۇش اپتاعا قاتاڭ شەكتەۋ ەنگىزدى. بۇل تۋرالى ءباسپاسوز ءماسليحاتى كەزىندە فينليانديا پرەمەر-ءمينيسترى ساننا مارين ءمالىم ەتتى، دەپ حابارلايدى Yle اگەنتتىگى.
«8 ناۋرىزدان باستاپ فينليانديادا لوكداۋن ەنگىزىلىپ، 28 ناۋرىزعا دەيىن سوزىلادى»، – دەدى ول.
ەنگىزىلىپ وتىرعان شارالار اياسىندا ورتا جانە جوعارى سىنىپ وقۋشىلارى قاشىقتان وقۋ فورماتىنا اۋىستىرىلىپ، 12 جاستان اسقان بالالار ءۇشىن ساباق وتكىزىلمەيدى، سونىمەن قاتار ەلدەگى مەيرامحانالاردىڭ جابىلۋى جوسپارلانىپ وتىر.
