الماتى وبلىسىنىڭ پوليتسەيلەرى ءۇش ادامدى ءولتىرۋ قىلمىسىن ءىزىن سۋىتپاي اشتى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
24 اقپان كۇنى تاڭەرتەڭ تۇرعىن ءۇي پاتەرلەرىنىڭ بىرىندە زورلىقپەن ولتىرىلگەن 3 ادامنىڭ دەنەسى تابىلعانى تۋرالى حابار تۇسكەن.
پوليتسەيلەر قازا بولعانداردىڭ تۇلعاسىن انىقتادى. كوز جۇمعانداردىڭ بارلىعى بەيالەۋمەتتىك ءومىر ءسۇرۋ داعدىسىن ۇستانعان جانە ىشىمدىككە اۋەس بولعان. قىلمىستى جاسادى دەگەن كۇدىكپەن ولاردىڭ تانىسى ۇستالدى. سول كۇنى بارلىعى قوسىلىپ، ءسپيرتتى ىشىمدىك ىشكەن. كۇدىكتى قىلمىس جاساعاننان كەيىن وقيعا ورنىنان قاشىپ كەتكەن. ال قىلمىس قۇرالىن لاقتىرىپ جىبەرگەن. بىراق پوليتسەيلەر ونى ءبىر تاۋلىك ىشىندە ىزدەپ تاپتى. ول قىلمىسىن مويىندادى.
كۇدىكتى بۇعان دەيىن بۇزاقىلىق ءۇشىن ءىستى بولعان ەسكەلدى اۋدانىنىڭ 26 جاستاعى تۇرعىنى. قازىرگى ۋاقىتتا ۋاقىتشا ۇستاۋ اباقتىسىنا قامالدى، ايعاقزات تاركىلەندى.
قر قىلمىستىق كودەكسىنىڭ 99-بابى، 2-بولىگىمەن سوتقا دەيىنگى تەرگەپ تەكسەرۋ امالدارى باستالدى.
«ادىرنا» ۇلتتىق پورتالى
