الماتىدا قوعامدىق مونشادا تراگەديا بولا جازدادى - كوپبالالى وتباسى ءيىس ءتيىپ ۋلاندى. ءبارى امان قالدى، دەپ حابارلايدى "ەۋرازيا"ارناسى.
وتاعاسى مۇسا قوسمۇراتوۆتىڭ ايتۋىنشا، مونشا يەسى سىرتتارىنان ءبىر جارىم ساعاتقا جاۋىپ كەتكەن. الايدا ءبىرازدان سوڭ بالالاردىڭ باسى اينالىپ، جۇرەگى اينىعان. كەيىن ايەلىنىڭ جاعدايى ناشارلادى.
"باسىندا ىستىقتان وسىنداي اسەر بولدى دەپ ويلادىم. كەيىن قۇسقىمىز كەلدى، سول كەزدە ءبارىن تۇسىندىك. شىعا الماي، جان تاپسىرامىز دەپ ويلادىم", - دەيدى باحىت قىدىربەكوۆا.
ەر ادام ەسىكتى اشۋ ءۇشىن ايقايلاي باستادى. ابىروي بولعاندا، مونشا يەسى ەستىپ، كومەككە كەلدى.
ءبارى شۇعىل اۋرۋحاناعا جەتكىزىلدى. جاعدايلارى ورتاشا. قازىر دەنساۋلىعىنا قاۋىپ ءتونىپ تۇرعان جوق.
ماماندار بولعان وقيعادىن كەيىن مونشانى تەكسەردى. جەلدەتۋ جانە جىلىتۋ جۇيەسىندەگى اقاۋعا بايلانىستى عيماراتقا تۇنشىقتىرعىش گاز كەلگەن. بۇل ءۇشىن مونشا يەسى جاۋاپكەرشىلىككە تارتىلادى.
مونشادا گازدىڭ مولشەرىن ەسەپتەيتىن قۇرىلعى ورناتىلعانى ايتىلىپ وتىر. الايدا ول قاجەت كەزدە ىستەمەي قالعان.
