وڭتۇستىك كورەيا بالالاردى قورلاعاندار ءۇشىن ءولىم جازاسىن ەنگىزدى. ەلدە وسىنداي قىلمىستاردىڭ كوبەيۋىنە بايلانىستى بالالارعا قاتىستى زورلىق-زومبىلىق ءۇشىن جازالار قاتاڭداتىلۋدا، دەپ حابارلايدى "ادىرنا" ۇلتتىق پورتالى.
ۇلتتىق جينالىستىڭ جالپى وتىرىسىندا بيلىك بالالاردى قورلاعانى ءۇشىن جازالاۋ تۋرالى زاڭدى قايتا قارالدى.
Jeong-in Act زاڭى دەپ اتالعان تۇزەتۋ 16 ايلىق قىزدىڭ اتىمەن اتالادى. قىز بالا اسىراپ العان اتا-اناسىنىڭ قاتىگەزدىگىنەن شەتىنەپ كەتتى.
قايتا قارالعان زاڭعا سايكەس، بالالارعا قاتىستى زورلىق-زومبىلىق جاسايتىن، ولىمگە اكەلگەن ادامدار، ءولتىرۋ تۋرالى نيەتى بولماعاندار دا ءولىم جازاسىنا كەسىلەدى نەمەسە جەتى جىلعا دەيىنگى مەرزىمگە باس بوستاندىعىنان ايىرىلۋى مۇمكىن.
جالپى وتىرىسقا قاتىسقان 254 دەپۋتاتتىڭ 252-ءسى زاڭ قابىلداۋ ءۇشىن داۋىس بەرگەنىن، ءبىر دەپۋتات قارسى بولعانىن، بىرەۋى قالىس قالعانىن اتاپ وتكەن ءجون.
«چون ين ءىسى سياقتى وقيعالاردى قاتاڭ ۇكىمدەرمەن شەشۋ مۇمكىن ەمەس. قىلمىسكەرلەر ونىڭ سالدارىن بىلسە دە قىلمىس جاسايدى» دەدى زاڭعا ەنگىزىلگەن وزگەرىسكە قارسى داۋىس بەرگەن وپپوزيتسيالىق پارتيا مۇشەسى كيم ۋن.
باسىلىمنىڭ مالىمەتىنشە، وڭتۇستىك كورەيادا بالالارعا قاتىستى زورلىق-زومبىلىق تۋرالى حابارلامالار سانى جىل سايىن ارتىپ كەلەدى، 2015 جىلى 11000 بولسا، 2019 جىلى 30000 دەيىن ءوستى.
قازاقستاندا وتباسىلىق زورلىق-زومبىلىق تۋرالى زاڭ جوباسى الەۋمەتتىك جەلىلەردە قىزۋ تالقىلاندى. سونىمەن بىرگە، قۇقىق قورعاۋشىلار مەن ادۆوكاتتار قازاقستاندىقتاردى تۇرمىستىق زورلىق-زومبىلىقتان قورعايتىن زاڭ جوباسىن قابىلداۋدى قولدادى. ءماجىلىس تۇرمىستىق زورلىق-زومبىلىق تۋرالى داۋلى زاڭ جوباسىن كەرى قايتارىپ الدى.
