فەمينيزم جاساسىن!!!
ءداستۇرلى-كوللەكتيۆتى ساياسيلانعان يسلام ءدىنى ايەل تەڭدىگىنىڭ (گەندەرلىك بالانس) ەڭ باستى قارسىلاسى ەكەنىن ەستەن شىعارماۋىمىز كەرەك.
وعان دالەل رەتىندە يسلامداعى مىنا حاديستەردى، (ەڭ قىزىعى عاسىرلار بويى قالىپتاسقان بۇل ءدىني سەنىمدەر قۇراندا جوق،) مىسالعا كەلتىرسەك:
ايەلدىڭ قيسىق قابىرعادان جارالعانى مەن ايەل ادامعا نامازدا يمام بولۋىنا تىيىم سالىنۋى.
باستى ورامالمەن تۇمشالاپ جابۋ مەن نيقاپ(حيدجاب)كيۋى.
ايەلدەر مەن ەركەكتەردىڭ تەڭ قۇقىلى ەمەستىگى جانە ايەل ادامنىڭ ءوزى جالعىز ساپارعا شىعۋىنا نەمەسە ايەل ادامنىڭ ەرىنىڭ دەنەسىندەگى ىرىڭگە تولى جاراسىن جالاسا دا ەرىنىڭ قاقىسىن وتەي المايتىندىعى.
اللادان باسقا ساجدە جاساۋعا ۇلىقسات بەرىلگەن بولسا، ايەلدىڭ ەرىنە ساجدە جاساۋى.
ايەل ادامنىڭ ەتەككىرى كەلگەندە ناماز وقۋعا، ورازا ۇستاۋعا، قۇران وقۋعا جانە مەشىتكە كىرۋگە تيىم سالىنۋى.
ايەلدەردىڭ ارنايى ۋنيفورما كيۋى تۋرالى جانە ايەلدەردىڭ ەركەكتەرمەن قول ۇستاسىپ امانداسۋعا،ودان قالسا ايەلدىڭ جابىق ءبىر جەردە ءبىر ەركەكپەن وڭاشا قالۋعا بولمايتىندىعى.
ايەلدەردىڭ ەرىنەن باسقا ادامداردىڭ ءيىسىن سەزىپ قويسا حارام بولاتىنى جانە
ايەلدەردىڭ (كوشەگە شىقسا) ماكياج قولدانۋلارى بۇرىس ەكەنى.
ەرى توسەككە شاقىرعاندا ايەلدىڭ، بۇتكىل ءىسىن تاستاپ توسەككە جۇگىرۋ كەرەكتىگى مەن
ايەلدىڭ ءوزىنىڭ اتا-اناسىنان ياكي جەبەۋشىسىنەن( وپەكۋن)ۇلىقسات الماي كۇيەۋگە شىعۋىنا بولمايتىندىعى.
ايەلدەردى سۇندەتكە وتىرعىزۋ.
ايەلدىڭ ەركەكتەن دارەجەسى تومەن دەيتىن سەنىم.
ايەل ادامنىڭ باسشى بولا المايتىنى.
ايەلدىڭ جۇما نامازىنا بارماۋى ياعني ۇيىنەن وقۋى دۇرىسىراق دەگەن نانىم.
ايەلدىڭ يت، شوشقا سياقتى نامازدى بۇزاتىنى جانە ايەلدەردىڭ كوپشىلىگىنىڭ توزاقتىق ەكەنى.
ايەلدەردىڭ ءشارلى (كەسىرلى) بولاتىنى.
ايەلدەردىڭ اقىلىنىڭ كەم ەكەنى.
ايەلدەردى ۇيگە قاماپ قويۋ.
ايەلىنىڭ بارلىق ماسەلەلەردە كۇيەۋىنە باعىنۋىنىڭ پارىز ەكەنى.
ەكى ايەل كۋاگەردىڭ ءبىر ەركەك كۋاگەرگە تەڭ ەكەنى جانە ت.ب وسىنداي مۇحاممەدتىڭ "سوزىنە"( حاديستەرىنە) نەگىزدەلگەن دوگمالىق ءدىنشىل سەنىمدەر جيىنتىعى كوللەكتيۆتى-ءداستۇرلى يسلامدا كەڭ فورمادا كورىنىس تاپقان.سوندىقتان دا وسى ءدىني ۇستانىمدارعا سايكەس ءداستۇرلى ءدىني-ساياسيلانعان اراب-پارسى يسلام مادەنيەتى ايەل-انالاردىڭ قۇقىعى مەن ەرىك-بوستاندىعى اياققا تاپتايدى ياكي شەكتەيدى دەگەن تۇجىرىم جاساۋعا ابدەن بولادى.
تۇراربەك قۇسايىنوۆ،
«دەموس» قوعامدىق بىرلەستىگىنىڭ توراعاسى
(اۆتوردىڭ جەكە كوزقاراسى رەداكتسيانىڭ ۇستانىمىن بىلدىرمەيدى)
