Air India كومپانياسىنىڭ ون ءۇش جىل بۇرىن جوعالعان Boeing 737-200 جولاۋشىلار ۇشاعى تابىلدى، دەپ حابارلايدى "ادىرنا" ۇلتتىق پورتالى.
The Sun مالىمەتىنشە، ۇشاق 2012 جىلدان بەرى جوعالعان دەپ ەسەپتەلگەن. الدىمەن Boeing پايدالانۋدان شىعارىلىپ، كەيىن ءۇندىستان پوشتا قىزمەتىنە جالعا بەرىلگەن، بىراق قىزمەتكەرلەردىڭ اۋىسۋى مەن قۇجاتتاماداعى كەمشىلىكتەرگە بايلانىستى ۇشاق نازاردان تىس قالعان.
تەك كالكۋتتا اۋەجايى اكىمشىلىگىنىڭ Boeing 737-200 ۇشاعىن رەسمي تۇردە اۋەجايدان الىپ تاستاۋدى سۇراعاننان كەيىن عانا جاعداي انىقتالدى. Air India باستاپقىدا ۇشاق وزدەرىنە تيەسىلى ەمەس ەكەنىن ايتقانىمەن، ىشكى تەرگەۋ ناتيجەسىندە 30 توننا سالماعى مەن 30 مەتر ۇزىندىعى بار ۇشاقتىڭ شىنىمەن جوعالعان ۇشاق ەكەنى راستالدى.
اۋە كومپانياسىنا تۇراق ەرەجەسىن بۇزعانى ءۇشىن 114 مىڭ دوللار ايىپپۇل سالىندى. ەكى اپتا بۇرىن ۇشاق بانگالورعا جەتكىزىلدى، ول جەردە ۇشۋ قۇرامىنىڭ قۇرلىقتاعى جاتتىعۋلارى ءۇشىن پايدالانىلادى.
شەنەۋنىكتەردىڭ ايتۋىنشا، سوڭعى بەس جىلدا كالكۋتتا اۋەجايى اۋماعىندا قالدىرىلعان ون ءتورتىنشى ۇشاق ءدال وسىنداي سەبەپپەن انىقتالعان.
