تۇركىستان وبلىسىندا سارىاعاش اۋدانىنىڭ 34 جاستاعى تۇرعىنى لاۋرا تۇراربەكوۆا 8 ناۋرىز – حالىقارالىق ايەلدەر كۇنى مەرەكەسى قارساڭىندا ءۇش قىزدى دۇنيەگە اكەلدى.
شالا تۋعان ۇشەمنىڭ ءومىرىن دارىگەرلەر امان الىپ قالدى. بۇگىندە نارەستەلەردى №1 وبلىستىق پەريناتالدىق ورتالىعىنىڭ دارىگەرلەرى باقىلاۋعا العان، دەپ حابارلادى Otyrar.kz.
ء"ۇش قىزىمنىڭ راقاتىن كورەيىن ەندى. ۇيىمدە تاعى ەكى ۇلىم مەن ەكى قىزىم اسىعا كۇتىپ وتىر. مەرەكە قارساڭىندا بوسانىپ وتىرمىن. وسى ورايدا اق حالاتتى ايەلدەر قاۋىمىن مەرەيلى مەرەكەمەن شىن جۇرەكتەن قۇتتىقتايمىن. دارىگەرلەرگە مىڭ العىس", – دەيدى كوپبالالى انا.
جاڭا تۋعان سابيلەرگە جانيا، رابيا، سانيا ەسىمدەرى بەرىلدى.
اق حالاتتىلاردىڭ بىلىكتىلىگى مەن تىنىمسىز ەڭبەگىنىڭ ارقاسىندا شالا تۋعان شاقالاقتاردى اناسى باۋىرىنا باستى. سەبەبى جەتى جارىم ايلىق نارەستەلەردىڭ وكپەسى دۇرىس دامىماعان، ءبارى جاساندى تىنىس الۋ اپپاراتىنا قوسىلعان.
