Türkıstan oblysynda Saryaǧaş audanynyŋ 34 jastaǧy tūrǧyny Laura Tūrarbekova 8 nauryz – Halyqaralyq äielder künı merekesı qarsaŋynda üş qyzdy düniege äkeldı.
Şala tuǧan üşemnıŋ ömırın därıgerler aman alyp qaldy. Bügınde närestelerdı №1 oblystyq perinataldyq ortalyǧynyŋ därıgerlerı baqylauǧa alǧan, dep habarlady Otyrar.kz.
"Üş qyzymnyŋ raqatyn köreiın endı. Üiımde taǧy ekı ūlym men ekı qyzym asyǧa kütıp otyr. Mereke qarsaŋynda bosanyp otyrmyn. Osy oraida aq halatty äielder qauymyn mereilı merekemen şyn jürekten qūttyqtaimyn. Därıgerlerge myŋ alǧys", – deidı köpbalaly ana. Jaŋa tuǧan säbilerge Janiia, Rabiia, Saniia esımderı berıldı.Aq halattylardyŋ bılıktılıgı men tynymsyz eŋbegınıŋ arqasynda şala tuǧan şaqalaqtardy anasy bauyryna basty. Sebebı jetı jarym ailyq närestelerdıŋ ökpesı dūrys damymaǧan, bärı jasandy tynys alu apparatyna qosylǧan.
