Túrkistan oblysynda Saryaǵash aýdanynyń 34 jastaǵy turǵyny Laýra Turarbekova 8 naýryz – Halyqaralyq áıelder kúni merekesi qarsańynda úsh qyzdy dúnıege ákeldi.
Shala týǵan úshemniń ómirin dárigerler aman alyp qaldy. Búginde nárestelerdi №1 oblystyq perınataldyq ortalyǵynyń dárigerleri baqylaýǵa alǵan, dep habarlady Otyrar.kz.
"Úsh qyzymnyń raqatyn kóreıin endi. Úıimde taǵy eki ulym men eki qyzym asyǵa kútip otyr. Mereke qarsańynda bosanyp otyrmyn. Osy oraıda aq halatty áıelder qaýymyn mereıli merekemen shyn júrekten quttyqtaımyn. Dárigerlerge myń alǵys", – deıdi kópbalaly ana.
Jańa týǵan sábılerge Janııa, Rabııa, Sanııa esimderi berildi.
Aq halattylardyń biliktiligi men tynymsyz eńbeginiń arqasynda shala týǵan shaqalaqtardy anasy baýyryna basty. Sebebi jeti jarym aılyq nárestelerdiń ókpesi durys damymaǵan, bári jasandy tynys alý apparatyna qosylǵan.
