قازاقستاندا اقپارات جانە قوعامدىق دامۋ مينيسترلىگىنىڭ باستاماسىمەن ەرەكشە بالالاردى انيماتسياعا ۇيرەتۋ الەۋمەتتىك جوباسى باستالدى. بۇل تۋرالى مينيستر ايدا بالاەۆا مالىمدەدى، دەپ حابارلايدى “ادىرنا”ۇلتتىق پورتالى Sputnik قازاقستان. سايتىنا سىلتەمە جاساپ.
"جىل باسىندا Balapan تەلەارناسىنىڭ جانىنان "ەرەكشە ءبىلىم الۋ قاجەتتىلىكتەرى بار بالالارعا ارنالعان انيماتسيا مەكتەبىن" اشۋ تۋرالى شەشىم قابىلداندى. قوعامداعى مۇمكىندىگى شەكتەۋلى جاندارعا قامقورلىق كورسەتۋ – ءبىزدىڭ باستى مىندەتىمىز. اسىرەسە، ەرەكشە بالالار وزدەرىن كەم ساناماي، قوعامنىڭ تولىققاندى مۇشەسى رەتىندە سەزىنىپ ءوسۋى قاجەت", - دەپ جازدى مينيستر Facebook پاراقشاسىندا.
ايتۋىنشا، سوعان بايلانىستى ەرەكشە بالالاردى انيماتسياعا ۇيرەتۋ جوباسى قولعا الىندى.
"انيماتسيا تەك كوڭىلدى كورىنىستەر جيىنتىعى عانا ەمەس، بۇل – تاربيە مەن ءبىلىم قۇرالى. سوندىقتان وسى سالادا تاجىريبەسى مول وڭتۇستىك كورەيا، جاپونيامەن ارىپتەستىك ورناتىپ جاتىرمىز. ازىرگە الەۋمەتتىك مەكتەپكە 30 وقۋشى ىرىكتەلدى. ساباق 12 ناۋرىزدان باستالادى. ىرىكتەۋ ناتيجەسى كورسەتكەندەي، اتا-انالاردىڭ دا، بالالاردىڭ دا قىزىعۋشىلىعى مول", - دەدى ول.
