Qazaqstanda aqparat jáne qoǵamdyq damý mınıstrliginiń bastamasymen erekshe balalardy anımaııaǵa úıretý áleýmettik jobasy bastaldy. Bul týraly mınıstr Aıda Balaeva málimdedi, dep habarlaıdy “Adyrna”ulttyq portaly Sputnik Qazaqstan. saıtyna silteme jasap.
"Jyl basynda Balapan telearnasynyń janynan "Erekshe bilim alý qajettilikteri bar balalarǵa arnalǵan anımaııa mektebin" ashý týraly sheshim qabyldandy. Qoǵamdaǵy múmkindigi shekteýli jandarǵa qamqorlyq kórsetý – bizdiń basty mindetimiz. Ásirese, erekshe balalar ózderin kem sanamaı, qoǵamnyń tolyqqandy múshesi retinde sezinip ósýi qajet", - dep jazdy mınıstr Facebook paraqshasynda.
Aıtýynsha, soǵan baılanysty erekshe balalardy anımaııaǵa úıretý jobasy qolǵa alyndy.
"Anımaııa tek kóńildi kórinister jıyntyǵy ǵana emes, bul – tárbıe men bilim quraly. Sondyqtan osy salada tájirıbesi mol Ońtústik Koreıa, Japonııamen áriptestik ornatyp jatyrmyz. Ázirge áleýmettik mektepke 30 oqýshy irikteldi. Sabaq 12 naýryzdan bastalady. Irikteý nátıjesi kórsetkendeı, ata-analardyń da, balalardyń da qyzyǵýshylyǵy mol", - dedi ol.
