اقمولا وبلىسىندا ايەل زورلاماق بولعان ەر ادام ۇستالدى، دەپ حابارلادى Polisia.kz.
13 ناۋرىزدا كوكشەتاۋ پوليتسيا باسقارماسىنىڭ كەزەكشى بولىمىنە قالا تۇرعىنىنان شامامەن تۇنگى ساعات 3-تە بەلگىسىز بىرەۋدىڭ ءۇيىنىڭ كىرەبەرىسىندە كۇشتەپ كيىمىن شەشىپ، زورلاۋعا ارەكەتتەنگەنى تۋرالى ارىز كەلىپ ءتۇستى.
جابىرلەنۋشى ۇيقىسىزدىق سالدارىنان تۇندە سەرۋەندەۋگە شىققانى بەلگىلى بولدى. ايەل كورشىلەرىنىڭ كومەگىمەن قىلمىسكەردىڭ قۇرىعىنان قۇتىلعان.
جەدەل ىزدەستىرۋ ءىس-شارالارى بارىسىندا پوليتسەيلەر بەينەباقىلاۋ كامەرالارىنىڭ كومەگىمەن كۇدىكتىنى انىقتادى. ول بۇرىن سوتتالعان بۋراباي اۋدانىنىڭ 26 جاستاعى تۇرعىنى بولىپ شىقتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز