2021 جىلعى 1 ناۋرىزداعى جاعداي بويىنشا جۇمىسىنان ايىرىلۋىنا بايلانىستى الەۋمەتتىك تولەم الۋشىلاردىڭ سانى 37,5 مىڭ ادامدى قۇرادى. بۇل تۋرالى ەڭبەك جانە حالىقا الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
ەلدە جۇمىستان بوساتىلعان جۇمىسكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەم الۋعا قۇقىلى. تولەم مولشەرى جوعالعان كىرىستىڭ 40%-ىن پارا-پار.
تولەم تاعايىنداۋ ءۇشىن جۇمىستان بوساتىلعان ادام تومەندەگىدەي ارەكەتتەر ىستەۋى كەرەك:
- eGov.kz پورتالىندا اۆتوريزاتسيالانۋ;
- "جۇمىسقا ورنالاستىرۋ جانە جۇمىسپەن قامتۋ" بولىمىندە "جۇمىس ىزدەۋشى ادامداردى تىركەۋ" قىزمەتىن تاڭداۋ;
- ونلاين-قىزمەتكە تاپسىرىس بەرىپ، بارلىق جولداردى تولتىرۋ جانە وعان ەتسق-مەن قول قويىپ، ءوتىنىمدى جىبەرۋ ;
مۇنان سوڭ ءبىر كۇن ىشىندە تۇرعىلىقتى جەردەگى حالىقتى جۇمىسپەن قامتۋ ورتالىعى بوس جۇمىس ورىندارىن ۇسىنادى. ەگەر جۇمىس تابىلماسا، 3 جۇمىس كۇنى ىشىندە جۇمىسسىز مارتەبەسى بەرىلەدى.
جۇمىسسىز رەتىندە تىركەلۋ كەزىندە ەڭبەكمينىنىڭ اقپاراتتىق جۇيەسى تولەمدى تاعايىنداۋ بويىنشا قىزمەت كورسەتۋگە كەلىسۋ ءۇشىن ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.
